Зебур 45:9 - Мукъаддес Китап

⁹ Келинъиз, РАББИнинъ ишлерине бакъынъыз; О, ер юзюни бозып, оны бош къалдырды.

Зебур 45:9 ပူးပေါင်းရင်းမြစ်များ

3 Падишалар 10:11

Шу вакъыт Офирден алтын кетирген Хирамнынъ гемилери Офирден чокътан-чокъ алмуг агъачы ве къыйметли ташлар кетирди.

3 Падишалар 2:19

Бат-Шева Сулейман падишагъа Адонья акъкъында лаф этмек ичюн кирди. Падиша еринден турды, эгилип селямлашты ве кене тахтына отурды. Падишанынъ анасына бир тахт кетирдилер, ве о, падишанынъ онъ тарафындан отурды.

3 Падишалар 2:9

Сен исе оны джезаламайып къалдырма. Сен акъыллы инсансынъ ве къанлы интикъам алып, чал башыны о бир дюньягъа насыл этип кечирмеге билесинъ.

1 Тарих вакъиалары 1:23

Офир, Хавила ве Ёвавнынъ бабасы эди. Булар эписи Ёкътаннынъ огъуллары эди.

Эюп акъкъында китап 22:24

Алтын маденини ерге, Офир алтыныны вадийдеки ташларнынъ арасына ат.

Зебур 72:10

Шунынъ ичюн Алланынъ халкъы оларгъа юзь чевире, оларда сув чокъ экен, тойгъандже ичелер.

Икметли сёзлер 7:17

Яткъан еримни мюр, алоэ ве тарчыннен къокъулаттым.

Энъ яхшы йыр 7:1

– Къайт, къайт, Шуламмит, къайт, къайт, биз санъа бакъайыкъ. – Не ичюн Шуламмитке, Маханаим оюнына киби, бакъмагъа истейсинъиз?

Ешая 49:23

Падишалар сизни беслейджек, апайлары сизге даялыкъ этеджек. Бетлеринен ерге тюшип, аякъларынънынъ тозуны ялайджакълар. О заман Мен РАББИ олгъанымны биледжексинъ, Манъа ишангъанлар утанмайджакъ.

Юхан 3:29

Келинни аладжакъ адам – киевдир. Лякин киевнинъ янында тургъан ве оны динълеген досту киевнинъ сесини эшитип пек къувана. Мен де бойле бутюнлей къуванам.

Сырларнынъ ачылувы 19:7

Къуванайыкъ, севинейик, Алланы шуретлейик! Къозунынъ никях вакъты кельди, Онынъ келини озю азырланды.

Сырларнынъ ачылувы 21:2

Мен мукъаддес шеэрни, янъы Ерусалимни корьдим. Киеви алдына безенип чыкъаяткъан келин киби, шеэр коктен, Алланынъ огюнден эне эди.

Сырларнынъ ачылувы 21:24

Халкълар шеэрнинъ ярыгъында юреджеклер. Ер юзюнинъ падишалары онъа озь байлыкъларыны кетиреджеклер.

Сырларнынъ ачылувы 21:9

Сонъ алдыма сонъки еди белягъа толдурылгъан еди пиаланы туткъан еди мелектен бири кельди ве меннен лаф этип: – Бакъ, санъа Къозугъа келин оладжакъ къадынны косьтереджем, – деди.