Зебур 41:1 - Мукъаддес Китап

¹ Баш чалгъыджы ичюн. Къорах огъулларынынъ маскили.

Зебур 41:1 ပူးပေါင်းရင်းမြစ်များ

Зебур 112:9

О, бала тапмагъан къадынны эвде ерлештирип, оны балаларына къувангъан бир ана япа. Эльхамдюлилля!

Зебур 34:19

Бош ерде манъа душман олгъанлар тантана япмасын, себепсиз нефрет эткенлер бири-бирине козь къыпмасын.

Зебур 37:19

Мен къабаатымны бойнума алдым, гунам ичюн пешман этем.

Икметли сёзлер 14:21

Башкъа адамны ашалагъан гуна къазаныр, фукъареге мераметли олгъан исе бахтлы олур.

Икметли сёзлер 16:14

Падишанынъ гъазабы – олюм хаберджиси, лякин икметли адам оны ятыштырыр.

Икметли сёзлер 19:17

Фукъарени аджыгъан адам РАББИге борджкъа бере, РАББИ де онынъ яхшылыгъыны къайтарыр.

Джемаат башы 12:1

Агъыр куньлер кельмезден, «Оларда бир къуванч ёкъ», – дейджек йыллар башынъа тюшмезден, кунеш, ай, ярыкъ ве йылдызлар сёнмезден, ягъмур артындан янъы булутлар кельмезден, яшлыгъынъда Яратыджынъны акъылынъда тут.

Йирмея 39:17

Лякин сени Мен о куню къуртараджагъым, – дей РАББИ, – сен къоркъкъан адамларнынъ къолуна берильмейджексинъ.

Марк 14:7

Фукъарелер эр вакъыт сизлернен оладжакълар. Истегенде, оларгъа яхшылыкъ эте билесиз. Лякин Мен эр вакъыт сизлернен олмайджам.

Фаалиет 20:35

Бойле чалышып, мен сизлерге кучьсюз адамларгъа ярдым бермек кереклигини эр шейде косьтердим. Рабби Исанынъ: «Алмакътан коре бермекнинъ бахты буюктир», – деген сёзлерини де акъылда тутмагъа керек, – деди.

Галатиядакилерге 2:10

Олар тек биз фукъарелерни унутмайджагъымызны истедилер, ве мен буны япмагъа тырыштым.

1 Тессалоникелилерге 5:14

Сизлерге даа ялварамыз, агъа-къардашлар: тенбеллерни огютленъиз, рухтан тюшкенлерни юреклендиринъиз, кучьсюзлерге ярдым этинъиз, эписине сабырлы олунъыз.

Еудийлерге 6:10

Алла адалетсиз дегиль. О, сизинъ ишинъизни, Онынъ Адына косьтерген севгинъизни унутмаз, азизлерге насыл хызмет эткенинъизни ве шимди де япкъанынъызны акълында тутар.

Якъуп 2:13

Мерамет косьтермеген адам мераметсизликнен суд этиледжек. Мерамет исе укюмден устюн келе.

Сырларнынъ ачылувы 3:10

Сен Меним сабыр этмеге буюргъанымны беджердинъ, шунынъ ичюн Мен сени бутюн ер юзюнде яшагъанларны сынамакъ ичюн келеджек белядан сакъларым.

Рут акъкъында китап 2:19

Къайнанасы ондан: – Сен бугунь къаерде башакъ джыйдынъ, къаерде чалыштынъ? – деп сорады. – Санъа о къадар ярдым эткен адамдан Алла разы олсун! Рут къайнанасына кимде чалышкъаныны айтып берди ве: – Мен бугунь чалышкъан адамнынъ ады Боаз, – деп къошты.