Зебур 27:9 - Мукъаддес Китап

⁹ Озь халкъынъны къуртар, Озь мирасынъа яхшылыкъ яп; оларнынъ чобаны ол, оларны эр вакъыт юксельт!

Зебур 27:9 ပူးပေါင်းရင်းမြစ်များ

1 Тарих вакъиалары 28:9

Эй, Сулейман, огълум! Бабанънынъ Алласыны биль. Онъа джан-гонъюльден ве озь ираденънен хызмет эт. РАББИ эписи юреклерни сынай, эписи ой-фикирлерни анълай. Эгер Оны къыдырсанъ, тапарсынъ. Эгер Оны унутып къалдырсанъ, О да сени эбедий къалдырыр.

Зебур 102:2

Эй, джаным, РАББИни алгъышла, Онынъ бутюн эйиликлерини унутма!

Зебур 102:3

О, бутюн къанунсызлыкъларынъны багъышлай, бутюн хасталыкъларынъны тедавийлей.

Зебур 13:1

Акъылсыз озь юрегинде: «Алла ёкъ», – деди. Адамлар бозулды, игренч ишлер япып башлады. Яхшылыкъ япкъан ич кимсе ёкъ.

Зебур 143:7

Юкъарыдан къолунъны узатып, мени къуртар, терен сувлардан, эджнебийлернинъ къолундан мени сакъла!

Зебур 24:5

Мени акъикъатынъ ёлуна догърулт ве огрет мени, чюнки Сен – Къуртарыджы Алламсынъ, мен Санъа эр кунь ишанам.

Зебур 51:11

Бу шейлерни беджергенинъ ичюн, Сени эбедиен шуретлейджегим. Сенинъ Адынъа ишанаджагъым, чюнки азизлеринънинъ огюнде Сенинъ Адынъ эйидир!

Зебур 88:1

Эзрахлы Этаннынъ маскили.

Ешая 50:1

РАББИ бойле дей: – Ананъызгъа айырылув кягъытыны бермейип, оны къувдым. Кимсеге борджлу олмайып, сизни саттым. Не ичюн? Сизни гуналарынъыз ичюн саттым, ананъызны акъсыз япкъанларынъыз ичюн къувдым.

Ешая 59:2

Амма къабаатларынъыз сизни Алладан айырды, гуналарынъыз ичюн, сизни эшитмесин деп, О сизден башыны чевирди.

Йирмея 32:40

Мен оларгъа эбедий васиет береджегим, оларгъа бир даа аркъамны чевирмейджегим, эр вакъыт эйилик япаджагъым, Менден ич айырылмасынлар деп, юреклерине къоркъу сачарым.

Еудийлерге 13:5

Параны севменъиз, къолунъызда олгъанынен разы олунъыз. Алла: «Сени къалдырмайджагъым ве ташламайджагъым», – деген.

1 Падишалар 7:12

Смаил бир таш алып, Мицпа ве Шен арасында къойды. – РАББИ бизге шу ергедже ярдым этти, – деп, ташкъа Эвен-Хаэзер деген ад къойды.