Зебур 27:3 - Мукъаддес Китап

³ Ярамай ве беля кетириджи адамлар озь къомшуларынен муаббет лаф этелер, лякин юреклеринде къара ниет сакълайлар. Оларны ёкъ эткенде, оларнен берабер мени де къырып ташлама!

Зебур 27:3 ပူးပေါင်းရင်းမြစ်များ

2 Тарих вакъиалары 20:15

О бойле деди: – Эй, бутюн ехудалылар, Ерусалим халкъы ве Ехошафат падиша, дикъкъат этинъиз! РАББИ сизге бойле дей: «Бу буюк ордудан къоркъманъыз, оларнынъ огюнде къалтыраманъыз. Бу дженк сизинъки дегиль, бу дженк Алланынъ дженкидир.

Эюп акъкъында китап 4:6

Алладан къоркъкъанынъ санъа эминлик бермезми, догъру яшагъанынъ санъа ишанч олмазмы?

Зебур 112:7

фукъарени О, топракътан котере, ёкъсулны куль тёпеден чыкъарып юксельте

Зебур 3:6

РАББИ мени къорчалагъаны ичюн, мен ятып юкълайым, уянып турам.

Зебур 3:7

Эр тарафтан манъа къаршы чыкъкъан он бинълердже адамлар юрегиме къоркъу ич кирсетмез.

Зебур 52:6

Олар къоркъу олмагъан ерде къоркъаджакълар, Алла санъа къаршы чыкъкъанларнынъ кемиклерини дагъытаджакъ. Алла оларны ред эткени ичюн, сен оларны масхара этеджексинъ.

Филиплердекилерге 1:28

Сизге къаршы чыкъкъанлардан ич де къоркъманъыз. Бу оларнынъ гъайып оладжакъларына, сизинъ исе къуртуладжагъынъызгъа бельгидир. Бу – Алланынъ ишидир,

1 Пётр 3:14

Лякин акъикъат ёлунда азап чексенъиз де, бахтлы олурсынъыз. Душманларынъыз къоркъкъан шейден къоркъманъыз, къалтыраманъыз.

Сырларнынъ ачылувы 2:10

Башынъа тюшеджек азаплардан къоркъма. Мына, Шейтан сизлерни сынамакъ ичюн, аранъыздан базыларны алып, тюрьмеге ташлайджакъ, ве он кунь къадар сиз азап чекеджексиз. Ольгендже садыкъ къал, ве о вакъыт Мен санъа яшайыш берерим, о, санъа тадж дайын олур.

1 Падишалар 19:8

Кене дженк башлады, ве Давут чыкъып, фелестинлилернен урушты. Оларны буюк магълюбиетке огъратты, ве фелестинлилер ондан къачып кеттилер.