Зебур 27:1 - Мукъаддес Китап

¹ Я РАББИ, Сени чагъырам! Меним Къаям! Мени джевапсыз къалдырма! Ёкъса, Сен манъа джевап бермесенъ, мен мезаргъа тюшкенге ошайджагъым.

Зебур 27:1 ပူးပေါင်းရင်းမြစ်များ

Эюп акъкъында китап 29:3

Онынъ лампады башымнынъ устюнде нур сача эди, Онынъ ярыгъынен мен къаранлыкъта юре эдим!

Зебур 11:1

Баш чалгъыджы ичюн. Аль-хашшеминит. Давутнынъ зебуры.

Зебур 118:21

Кибирли адамларны юзьлединъ, эмирлеринъден четлешкенлерге лянет.

Зебур 118:6

О вакъытта утанмаз эдим, бутюн эмирлеринъе бакъып.

Зебур 3:8

Я РАББИ, еринъден тур, къуртар мени, эй, Аллам! Сен эписи душманларымны ченгесине урып, ярамазларнынъ тишлерини сындырырсынъ!

Зебур 43:2

Эй, Алла! Биз озь къулакъларымызнен эшиттик, кечкен куньлерде, къадимий заманларда, Сен япкъан аджайип ишлеринъ акъкъында бабаларымыз бизге икяе этти.

Зебур 62:2

Эй, Алла, Сен меним Алламсынъ, танъ аткъанынен Сени къыдырам. Джаным Сени истей; къуру, бош, сувсуз топракъларда беденим Сени беклеп къыйнала.

Зебур 62:6

Ич ягъы ве зейтюн ягъынен джаным тойгъаны киби, агъзым ве дудакъларым къуванчнен Сени макътай.

Зебур 84:11

Севгинен акъикъат корюшелер, догърулыкъ ве аманлыкъ опюшелер!

Чыкъыш 15:2

РАББИ – меним къудретим, меним макътав тюркюмдир, О, манъа къуртулыш берди. О, меним Аллам, Оны макътарым! О, бабамнынъ Алласы, Онынъ Адыны юксельтирим.

Ешая 12:2

Мени Алла къуртара! Онъа ишанып, къоркъмайджагъым! РАББИ-Тааля – кучюм, Онъа йырларым! О мени къуртарды!

Ешая 2:5

Эй, Якъупнынъ эви! Келинъиз, РАББИнинъ ярыгъында юрейик!

Ешая 45:24

Меним акъкъымда бойле дейджеклер: «Адалет ве кучь тек РАББИдедир!» Онъа къаршы душманлыкъ эткен эр кес Онъа келеджек ве утанаджакъ.

Ешая 61:10

РАББИде буюк къуванч тападжагъым, Аллам ичюн джаным шенъленеджек. О манъа къуртулыш урбаларыны, инсафлыкъ урбасыны кийдирди. Киевге, руханийге киби, башыма сарыкъ къойды, бир келинни киби, ильванларнен безетти.

Йирмея 20:11

Амма меннен РАББИ, къоркъунчлы дженкчи кибидир. Бунынъ ичюн мени къувалагъанлар абынырлар ве мени енъалмазлар, буюк масхара оладжакълар. Ниетлерини беджермейджеклер, лякин эбедиен масхара оладжакълар, ич бир вакъыт адамларнынъ акъылларындан чыкъмайджакъ.

Малакий 4:2

Амма Адыма сайгъы косьтергенлер ичюн, догърулыкъ кунеши догъаджакъ ве нурларынен шифа кетиреджек. Ве сиз чыкъып, бакъылгъан бузавлар киби, сычрайджакъсынъыз.

Матта 8:26

Иса исе: – Не ичюн сиз бойле къоркъакъсынъыз, аз иманлылар? – деди оларгъа. Сонъ еринден турып, фуртуна ве гольни тынчландырды. Шу вакъыт эр шей бутюнлей тынды.

Лука 2:30

Козьлерим эписи халкълар огюнде азырландырылгъан къуртарувынъны корьди.

Лука 3:6

О вакъыт яшагъанларнынъ эписи Алладан къуртарувны кореджеклер.

Юхан 1:9

Адамларнынъ эписини ярыкълатаджакъ акъикъий ярыкъ исе дюньягъа келеята эди.

Юхан 8:12

Иса кене халкънен лаф этип: – Мен дюньянынъ ярыгъы олам. Ким Меним пешимден кетсе, къаранлыкъта юрмез, лякин онен аят ярыгъы оладжакъ, – деди.

Римлилерге 8:31

Энди бунъа не айтайыкъ? Бизим тарафымызда Алла олса, бизге къаршы ким чыкъар экен?

2 Коринтлилерге 12:9

Амма О, манъа: «Санъа берген эйилигим етер. Адамлар озь къуветсизлигинде Манъа ишанса, оларда Меним бутюн къудретим арекет этип башлай», – деди. Шунынъ ичюн, менде Месихнинъ къудрети яшасын деп, къуванчнен озь къуветсизликлеримнен макътанаджагъым.

Къануннынъ текрары 7:18

олардан къоркъма, мытлакъа РАББИ-Тааля фыравунгъа ве бутюн Мысыргъа нелер япкъаныны акъылынъда тут.

Къануннынъ текрары 7:21

Олардан къоркъма. РАББИ-Таалянъ, буюк ве къоркъунчлы Алла сеннендир.

Филиплердекилерге 4:13

Манъа кучь берген Иса Месихнинъ ярдымынен эр шейни япып олам.

Еудийлерге 13:6

Шунынъ ичюн биз джесаретнен айтамыз: «Рабби меним ярдымджымдыр, мен къоркъмайым. Инсан манъа не япа билир?»

Сырларнынъ ачылувы 21:23

Шеэрни ярыкълатмакъ ичюн не кунеш, не ай керек; оны Алланынъ Шурети ярыкълатаджакъ; шеэрге Къозу нур сачаджакъ.

Сырларнынъ ачылувы 22:5

О ерде гедже олмайджакъ, лампат ярыгъы да, кунеш ярыгъы да керек олмайджакъ. Оларгъа Рабби-Тааля ярыкъ береджек, ве олар эбедиен падишалыкъ япаджакълар.

Сырларнынъ ачылувы 7:10

Олар кучьлю сеснен: – Тахтта отургъан Алламыз ве Къозу къуртара биле! – деп къычыра эдилер.