Зебур 18:7 - Мукъаддес Китап

⁷ Онынъ чыкъкъан ери – кокнинъ четиндедир, ёлу исе башкъа четине бара, сыджагъындан ич бир шей сакъланмаз.

Зебур 18:7 ပူးပေါင်းရင်းမြစ်များ

Зебур 34:16

Юзьлерини бурюштирип, мени мыскъылладылар, манъа тишлерини гъыджырдаттылар.

Зебур 34:18

Буюк топлашувда Санъа шукюр этеджегим, чокъ адамнынъ арасында Сени макътайджагъым!

Зебур 39:13

Мени сайысыз белялар сарып алды, меним гуналарым мени къувып, башыма етти, энди козьлеримни котерип оламайым. Гуналарым башымдаки сачларымдан чокълар; мен рухтан тюштим.

Зебур 40:2

Не де бахтлыдыр фукъарени тюшюнген адам! Яман кунюнде РАББИ оны къуртарыр.

Зебур 46:2

Эй, бутюн халкълар, Аллагъа эль чырпынъыз, къуванчлы сеснен Аллагъа къычырынъыз!

Йирмея 4:24

Дагъларгъа бакътым, иште, тепренелер, бутюн байырлар къалтырайлар.

Хавакъкъукъ 3:10

Сени корьгенде, дагълар къалтырады, коклерден ягъмурлар ягъды. Буюк теренлик окюрди, тюпсюзлик къолларыны котерди.

Хавакъкъукъ 3:6

О турды, ве дюнья салланды, О бакъты, ве халкълар титреди. Къарт дагълар йыкъылды, эски байырлар тер-тегиз олды. Онынъ ёллары эбедий.

Зекерья 14:4

О куню РАББИнинъ аякълары Ерусалимнинъ шаркъ тарафында, Зейтюн дагъында тураджакъ. Зейтюн дагъы шаркътан гъарпкъа тараф экиге болюнеджек, ве пек буюк бир вадий пейда оладжакъ. Дагънынъ ярысы шимальге, ярысы да дженюпке чекиледжек.

Матта 28:2

Бирден кучьлю зельзеле олды. Бу Алланынъ мелеги коктен энди ве къабирнинъ янына барып, ташны четке авдарды ве устюне отурды.

Фаалиет 4:31

Дува окъугъан сонъ, олар топлашкъан ер тепренди. Эписи Мукъаддес Рухкъа толып, Алланынъ Сёзюни джесаретнен айта башладылар.

1 Коринтлилерге 13:2

Эгер пейгъамберлик япмагъа къабилиетим олса, эр бир сырны ве эр бир шейни бильсем, я да иманнен дагъларны кочюрип олсам, амма севмеге бильмесем, мен ич бир шей дегилим.

Къануннынъ текрары 32:22

Меним гъазабым атеш алевлендирди, онынъ янгъаны олюлернинъ дюньясына ете, о, ер юзюни ве берекетини якъып юта, дагъларнынъ этеклерини якъа.

Къадылар 5:4

РАББИ, Сен Сеирден кельгенде, Эдом тарлаларындан кельгенде, ер юзю титреди, коклерден ягъмурлар ягъды, булутлар сувларыны тёкти.