Зебур 15:1 - Мукъаддес Китап

¹ Эй, Аллам, мени сакъла, Санъа умют багълайым.

Зебур 15:1 ပူးပေါင်းရင်းမြစ်များ

Зебур 2:6

«Мен Падишаны сайлап, мукъаддес Сион дагъымда оны ерлештирдим», – дейджек.

Зебур 23:6

Мына будыр Оны къыдыргъан адамлар. Эй, Якъупнынъ Алласы, олар бойледир, Сенинъ юзюнъни къыдыргъанлар! Сэла

Зебур 3:4

Амма Сен, я РАББИ, чевре-четимде къалкъансынъ, меним шуретимсинъ, башымны юкъарыгъа котерген – Сенсинъ.

Зебур 61:4

Эпинъиз даа не къадар адамны басаджакъсынъыз? Эгильген дивар, салланып къалгъан къора киби, сиз эпинъиз ерге йыкъыладжакъсынъыз.

Зебур 84:4

Бутюн гъазабынъны ичинъе сакълап, янаяткъан ачувынъдан вазгечтинъ.

Юхан 14:3

Мына, Мен барып сизге ер азырлайджагъым да, кене келип, сизни яныма алып кетеджегим. Сонъ Мен олгъан ерде сиз де оладжакъсынъыз.

Юхан 17:24

Эй, Баба! Сен Манъа берген адамлар Меннен берабер бир ерде оладжакъларыны истейим. Мени дюнья яратылмаздан эвель севгенинъ ичюн, Сен Манъа берген шерефимни олар корьсюнлер.

Еудийлерге 12:22

Амма сизлер Сион дагъына ве Тири Алланынъ шеэрине – коктеки Ерусалимге якъынлаштынъыз, байрамгъа топлашкъан сайысы олмагъан мелеклернинъ янына кельдинъиз,

Сырларнынъ ачылувы 14:1

Мен бакътым ве Сион дагъында тургъан Къозуны корьдим. Къозунен берабер 144 000 адам бар эди. Оларнынъ манълайында Онынъ ве Бабасынынъ Ады язылгъан эди.