1 Десин Исраиль: – Эгер РАББИ бизнен олмаса эди,
Сенинъ къулунъ ве Исраиль халкъы шу ерге бакъып дувалар окъугъанда, оларнынъ ялварувларыны эшит! Коклерде, Сен яшагъан еринъде эшит ве эшиткенинънен афу эт!
Эр бир ялтакълангъан агъызны, буюк лафлар эткен тиллерни РАББИ къырып ташласын!
Манъа япкъан бутюн яхшылыкълары ичюн, РАББИни насыл такъдирлерим?
Дагъларгъа козьлеримни котеририм, манъа ярдым къайдан келир?
Олар манъа: «Айды, РАББИнинъ Эвине барайыкъ!» – дегенде, мен къувандым.
Козьлеримни Санъа котердим, эй, Коклерде Отургъан!
РАББИге ишангъан адам Сион дагъына ошай; о, къыбырдамаз, эбедий турар.
РАББИ Сион эсирлерини сюргюнликтен къайтаргъанда, биз тюш корьген киби эдик.
Эгер эвни РАББИ къурмаса, къуруджылар бошуна ишлер. Эгер шеэрни РАББИ къорчаламаса, къаравуллар бошуна юкъламайып турар.
Не де бахтлыдыр РАББИден къоркъкъан, Онынъ ёлларындан юрген эр бир инсан!
– Яшлыгъымдан берли манъа къаршы чокъ дженклешти, – десин Исраиль.
Я РАББИ, теренликтен мен Сени чагъырдым.
Я РАББИ, юрегим кибирленмеди, козьлерим юксектен бакъмады. Мен улу ве аджайип ишлерге киришмедим.
Я РАББИ, Давутны да, онынъ бутюн къасеветлерини унутма.
Не къадар яхшы ве не гузельдир агъа-къардашкъа бирликте яшамакъ!
Эй, РАББИнинъ бутюн къуллары, геджелери РАББИнинъ Эвинде тургъанлар, РАББИни алгъышланъыз!
Эльхамдюлилля! РАББИнинъ Адыны макътанъыз, Оны макътанъыз, РАББИнинъ къуллары,
Коклерде Отургъан куледжек, Рабби оларны масхара этеджек.
Юдже, Юксельген, эбедий Яшагъан, Ады Азиз олгъан дей ки: – Юксек ве мукъаддес ерде яшайым, лякин тёвбе эткенлернен ве алчакъгонъюллилернен олам. Алчакъгонъюллилернинъ рухларыны джанландыраджагъым, тёвбе эткенлернинъ джанларыны тирильтеджегим.
РАББИ бойле дей: – Коклер – тахтым, ер юзю – аякъларыма таяма. Меним ичюн эвни къайда къураджакъсынъыз? Раатланмагъа ерим не ерде оладжакъ?
Дуваны бойле окъунъыз: Бизим Коклердеки Бабамыз, Сенинъ Мукъаддес Адынъны эр кес сайсын!
Салым топлайыджы исе узакъта турып, козьлерини кокке котермеге биле къоркъып, кокрегине ура-ура: «Алла! Мен гуналым, лякин манъа мераметли ол!» – деген.
