6 Эй, дагълар, не ичюн къой киби секиресинъиз? Эй, байырлар, не ичюн къозу киби сычрайсынъыз?
Бакъ, Алла азиз мелеклерине биле ишанмаз, коклер де Онынъ козюнде айдын дегиль.
чюнки О, ер юзюни четлерине къадар коре, коклер тюбюндеки эр шейни де коре.
Мына, Алла Озь къулларына ишанмаз, Озь мелеклерини биле хаталарда къабаатлар.
Эр бир ялтакълангъан агъызны, буюк лафлар эткен тиллерни РАББИ къырып ташласын!
Сени бильмек меним ичюн пек аджайип, юксектир о, акълым етмез онъа.
Сенинъ тилинъ яман сёзлерни айтмасын, сенинъ агъзынъ алдатмасын.
Юдже, Юксельген, эбедий Яшагъан, Ады Азиз олгъан дей ки: – Юксек ве мукъаддес ерде яшайым, лякин тёвбе эткенлернен ве алчакъгонъюллилернен олам. Алчакъгонъюллилернинъ рухларыны джанландыраджагъым, тёвбе эткенлернинъ джанларыны тирильтеджегим.
Онынъ устюнден Серафлар булуна эдилер. Эр бирининъ алты къанаты бар эди. Эки къанатынен бетини, эки къанатынен аякъларыны къапата эдилер, эки къанатынен де уча эдилер.
Къолларым бутюн буларны япты, бойле этип, эр шей пейда олды, – дей РАББИ. Лякин Мен алчакъгонъюллилерге, рухтан тюшкенлерге, сёзюм огюнде къалтырагъанларгъа бакъаджагъым.