Зебур 110:3 - Мукъаддес Китап

³ РАББИнинъ ишлери – шанлы-шуретлидир, Онынъ адалети – эбедийдир.

Зебур 110:3 ပူးပေါင်းရင်းမြစ်များ

1 Тарих вакъиалары 16:29

РАББИнинъ Адына ярашкъан шуретини беринъиз, бахшышлар кетирип, Онынъ огюне келинъиз! Мукъаддес шуретинде олгъан РАББИге ибадет этинъиз!

Нехемья 11:2

Озь истегинен Ерусалимде яшамагъа разы олгъанларны халкъ макътады.

Зебур 29:2

Сени юксельтирим, я РАББИ, чюнки Сен мени аякъкъа турсаттынъ, душманларыма меним устюмден тантана этмеге ёл бермединъ.

Зебур 96:9

Я РАББИ, бутюн ер юзюнинъ энъ Юджеси Сенсинъ, бутюн аллаларнынъ устюнден Сен юкъарысынъ!

Ехезкель 43:12

Мына Сарайнынъ къануны: дагъ тёпесинден этеклерине къадар бутюн ерлер – улу азизликтир. Сарай акъкъында къанун будыр.

Микъа 5:6

Олар Ашшур топрагъыны, Нимроднынъ ачыкъ ерлерини къылычнен чобанлыкъ япаджакъ. Ашшурнынъ аскерлери бизим топрагъымызгъа басып кельгенде, сынъырларымызны бозгъанда, О, бизни Ашшурдан къуртараджакъ.

Фаалиет 1:8

Мукъаддес Рух устюнъизге тюшкен сонъ, сиз кучь-къувет аладжакъсыз, Ерусалимде, бутюн Еудиеде, Самариеде ве дюньянынъ кенарынадже Меним шаатларым оладжакъсыз, – деди.

Фаалиет 19:20

Ойле олып, Раббининъ Сёзю къудретнен даркъалып, тесири кунь-куньден арта эди.

Фаалиет 2:33

О, Алланынъ къудретинен юксельтильгенден сонъ, Бабанынъ вадеси боюнджа Мукъаддес Рухны алып, бизге ягъдырды. Шимди сизлер буны корип, эшитип турасыз.

Фаалиет 2:41

Бойледже, онынъ сёзюни ачыкъ гонъюльден къабул эткенлер сувгъа батырылып чыкътылар. Шу куню учь бинъге якъын джан иманлыларгъа къошулды.

Фаалиет 21:20

Буларны эшитип, Алланы шуретледилер ве Павелге: – Эй, къардашымыз, еудийлер арасында имангъа кельген бинълердже адам олгъаныны билесинъ. Оларнынъ эписи Къанунны гъайретнен туталар.

Фаалиет 4:4

Хаберни эшиткенлернинъ чокълары исе иман эттилер, ве бу адамларнынъ сайысы беш бинъге якъын олды.

2 Коринтлилерге 13:4

О, къуветсиз алында хачкъа мыхлангъан олса да, Алланынъ къудретинен тири яшай. Биз де Месихнен берабер къуветсиз олсакъ да, сизлер ичюн Алланынъ къудретинен Месихнен яшайджакъмыз.

2 Коринтлилерге 8:12

Эгер керчектен ярдым этмеге истесенъиз, бахшышы къабул этильсин деп, эр бир адам озь бахшышыны къолунда олгъанына коре берсин.

2 Коринтлилерге 8:16

Сизлер ичюн Титнинъ юрегине бойле гъайретни берген Аллагъа шукюр олсун!

Эфеслилерге 1:4

Биз Онынъ огюнде азиз ве севгиде къабаатсыз олайыкъ деп, Алла бизни Месихте дюнья яратылмасындан эвель сайлады.

Филиплердекилерге 2:13

Алла Озю сизлерде арекет эте ве Озь эйи ирадеси ичюн сизлерде истекни де, арекетни де ярата.

1 Тессалоникелилерге 4:7

Алла бизлерни писликке дегиль, азизликке чагъырды.

Титке 2:14

Бизни эр бир гунадан къуртармакъ, яхшы ишлерни гъайретнен япкъан темиз сайлангъан халкъны Озюне азырламакъ ичюн, О, Озюни бизим ичюн къурбан кетирди.

Еудийлерге 13:21

Онынъ истеген ишлерини япынъыз деп, сизге эр бир эйи шейни берсин ве Иса Месих ярдымынен сизлерде бегенген шейини беджерсин. Иса Месихке эбедиен шан-шуретлер олсун! Амин.

Сырларнынъ ачылувы 7:9

Бундан сонъ бакъсам, буюк бир топлам, эр бир миллеттен, эр къабиледен, эр халкътан ве тиллерден олгъан, эсабына етип олмагъан адамлар тахтнынъ алдында, Къозунынъ огюнде тура эди. Эписи беяз урба кийип, къолларында пальма пытакъларыны тута эдилер.

Къадылар 5:2

Ёлбашчылары Исраильни алып кеткенде, халкъ дженкке чыкъкъанда, РАББИге шукюрлер этинъиз!

Къадылар 5:9

Юрегим Исраиль ёлбашчыларына, аскерликке кеткен Исраиль халкъына ынтыла! РАББИни шуретленъиз!