Зебур 10:5 - Мукъаддес Китап

⁵ РАББИ инсафлы адамны сынап бакъа, лякин инсафсыз адамны ве зорбалыкъны севген адамны Онынъ кореджек козю ёкъ.

Зебур 10:5 ပူးပေါင်းရင်းမြစ်များ

Башланув 6:12

Алла ер юзюне бакъты, ве о, керчектен де харап эди. Ер юзюнде эр бир тири джан юрген ёлуны харап этти.

2 Падишалар 5:6

Бир кунь падиша Давут ве онынъ адамлары Ерусалимге ве анда яшагъан евуслыларгъа къаршы сеферге кетти. Евуслылар: «Давут шеэрге киралмаз», – деп тюшюнип, онъа: – Сен мында кирмезсинъ! Топал ве сокъурлар биле сени къувып олурлар! – дедилер.

3 Падишалар 20:13

Бир пейгъамбер Исраиль падишасы Ахавнынъ янына келип: – РАББИ бойле дей: «Шу буюк ордуны коресинъми? Мен бугунь шуны сенинъ къолларынъа береджегим. Сонъ сен Мен РАББИ олгъанымны биледжексинъ», – деди.

Эюп акъкъында китап 24:23

Алла оларгъа аманлыкъ берер, ве олар онъа таянырлар, лякин Онынъ козю олар туткъан ёлдадыр.

Зебур 12:5

Душманым: «Оны енъдим», – демесин, аякъларым тайгъанда, мени къувгъанлар севинмесин.

Зебур 73:3

Асырларнен тургъан йыкътырмагъа бакъып, адым ат: душман Азиз Ерде эр шейни харап этти.

Икметли сёзлер 1:19

Адалетсиз къазанчкъа къызгъан эр кимнинъ сонъу бойледир: бу къазанч, онъа саип олгъан адамларнынъ джаныны ала.

Икметли сёзлер 15:24

Омюр ёлу акъыл-ферасетли адамны юкъарыгъа алып кете ве о бир дюньядан узакълаштыра.

Икметли сёзлер 2:13

къаранлыкъ ёлдан юрмек ичюн догъру ёлны ташлагъан адамлардан,

Икметли сёзлер 2:15

къыйыш ёлларда юрген, ёлларыны шашыргъан адамлардан къорчалайджакъ.

Икметли сёзлер 24:1

Яман адамларны пахыллама, оларнен берабер олмагъа истеме.

Ешая 10:1

Адалетсиз къанунларны япкъанларгъа, акъсыз къарарларны чыкъаргъанларгъа беля!

Ешая 26:11

Я РАББИ! Сен къолунъны юкъары котердинъ, амма олар корьмейлер. Сен халкъынъны севгенинъни корип, утанаджакълар, атешинъ душманларынъны ашап битиреджек.

Ешая 28:15

Сизлер: «Олюмнен анълаштыкъ, олюлернинъ дюньясынен бирлештик, – дейсинъиз. – Орталыкъны ёкъ эткен сув ташкъыны кельгенде, бизге зарар кетирмейджек. Бизни ялан къорчалай, алдав тюбюнде сакъланамыз».

Ешая 42:25

Шунынъ ичюн устьлерине къызгъын ачувыны тёкти, шиддетли дженкни ёллады. Чевре-четлерини атеш сарды, амма олар анъламай эди, оларны якъа эди, амма фаркъына бармадылар.

Ешая 5:12

Оларнынъ байрамларында сантыр, арфа, даре ве дюдюк чалыныр, шарап ичилир. Лякин РАББИнинъ ишлерине олар бакъмайлар, Онынъ япкъанларыны корьмейлер.

Хошеа 14:9

«Путлар манъа неге керек?» – дейджек Эфраим. Мен оны эшитеджегим ве оны бакъаджагъым. Мен гурь кипарис тереги киби оладжагъым, сен берекетинъни Менден кореджексинъ.

Хошеа 9:9

Олар чокъ бозулды, Гивада олгъаны киби, харап олды. Оларнынъ къабаатлары Алланынъ акълына келеджек, гуналары ичюн О, джезалайджакъ.

Римлилерге 3:16

Юрген ерлерине къаза ве белялар кетирелер,

Къадылар 9:27

Юзюм багъчаларына кетип, махсулларыны джыйдылар, юзюмни юзюм сыкъкъан ерде сыкътылар, байрам яптылар. Сонъ озь аллаларынынъ эвине кетип, ашады-ичти ве Авимелекни сёгдилер.

Къадылар 9:38

О заман Зевул онъа: – Я сен айтмагъан эдинъми: «Авимелек ким олгъан? Бизлер Авимелекке хызмет этейикми?» Ана энди бакъ, сен кореджек козюнъ олмагъан адамлар келеята! Бар да, оларнен дженклеш! – деди.