Зебур 1:6 - Мукъаддес Китап

⁶ РАББИ инсафлыларнынъ ёлуны биле, ярамайларнынъ ёлу исе гъайып олур.

Зебур 1:6 ပူးပေါင်းရင်းမြစ်များ

Эюп акъкъында китап 23:10

Амма О, мен туткъан ёлумны билир, мени сынагъанында, алтын киби олып чыкъаджагъым.

Зебур 142:3

Душман джанымны къувалай, аятымны аякъ астына къойды, чокътан ольгенлерни киби, мени къаранлыкъта яшамагъа меджбур этти.

Зебур 142:4

Меним тенимде гонъюль такъаттан кесильди, ичимдеки юрегим къатып къалды.

Зебур 146:9

айванларгъа аш бере, Оны чагъыргъан къаргъа баласыны ашата.

Зебур 9:6

Сен халкъларны сёгдинъ, инсафсызны ёкъ эттинъ, эбедиен оларнынъ адларыны ер юзюнден сильдинъ.

Икметли сёзлер 14:12

Базы ёл адамгъа догъру киби корюне, амма онынъ сонъу – олюмдир.

Икметли сёзлер 15:9

Яман адамнынъ ёлундан РАББИ нефретленир, инсафлыкъ ёлуны туткъан адамны исе север.

Нахум 1:7

РАББИ хайырлыдыр, беля вакътында сакъланув еридир. Онъа ишангъанларны О, биле.

Матта 7:13

Тар къапудан киринъиз! Олюмнинъ къапусы кенъ, ве анда алып баргъан ёл пек бол. Шу ёлдан юргенлер де чокъ.

Юхан 10:14

Мен яхшы чобаным. Мен Озь къойларымны билем, олар исе Мени билелер.

Юхан 10:27

Къойларым сесимни эшителер. Мен оларны билем, ве олар Меним артымдан юрелер.

2 Тимотейге 2:19

Лякин Алла къойгъан темель къавийдир, онда бойле сёзлер печат киби къоюлгъан: «Рабби ким Онынъки олгъаныны биле» ве «Раббининъ Адыны тилине алгъан эр бир адам яманлыкътан узакълашсын!»

2 Пётр 2:12

Шу адамлар акъылсыз айванларгъа ошайлар. Олар тутулмакъ ве ёкъ этильмек ичюн догъгъанлар, истеклери оларны алып баралар. Олар бильмеген шейлерни яманлайлар, озь бозукълыгъында ёкъ олып кетеджеклер.

1 Падишалар 2:9

Санъа иман эткенлерни догъру ёлда тутасынъ, имансызлар исе къаранлыкъ ичинде гъайып олалар. Инсан озь къудретинен гъалебе къазаналмаз.