Зебур 1:3 - Мукъаддес Китап

³ Акъкъан сувлар янында сачылгъан, мейвасыны озь вакътында берген, япракълары ич солмагъан терек кибидир о адам! О не япса да, эр шейни беджерир!

Зебур 1:3 ပူးပေါင်းရင်းမြစ်များ

Башланув 39:23

РАББИ Юсуфнен олгъаны, онынъ бутюн эткен ишлерини РАББИ онъундан кетиргени ичюн, зиндан башлыгъы Юсуфнынъ эли астында олгъан бир шейге асла мукъайт олмай эди.

Башланув 39:3

Онынъ эфендиси, РАББИ Юсуфнен берабер олгъаныны ве эписи япкъан ишлерини РАББИ онъундан кетиргенини корьди.

4 Падишалар 18:7

РАББИ эр вакъыт онен эди. Эр бир туткъан иши онъ келе эди. Хизкия Ашшур падишасына къаршы котерильди, онъа хызмет этмеге истемеди.

1 Тарих вакъиалары 22:11

Шимди, огълум, РАББИ сеннен олсун! РАББИнинъ сёзлерине коре, Алланъа РАББИге эв къурмакъ ичюн, сенинъ ишлеринъ онъундан кельсин.

1 Тарих вакъиалары 22:13

Эгер РАББИнинъ Исраильге Мусанен буюргъан низамнамелерини ве къарарларыны тутсанъ ве беджерсенъ, ишлеринъ онъундан келеджек. Кучьлю ве джесаретли ол, къоркъма ве рухтан тюшме.

2 Тарих вакъиалары 31:21

РАББИнинъ Сарайындаки хызмет ичюн эр бир башлагъан ишинде, Алланы къыдыргъанда Къанунны ве эмирлерни беджерювде о, эр шейни джан-юректен япты ве енъиш корьди.

2 Тарих вакъиалары 32:23

О заманларда чокъ адамлар Ерусалимге РАББИге бахшышлар ве Ехуданынъ падишасына Хизкиягъа къыйметли шейлер алып кетирдилер. Бундан сонъ о, бутюн халкъларнынъ козюнде юксельди.

Эюп акъкъында китап 14:9

сув къокъусыны алыр-алмаз филисленир, бир яш фидан киби пытакъланыр.

Эюп акъкъында китап 22:28

Не ниетинъ олса, оны беджерирсинъ, ёлларынъны ярыкъ айдынлатыр.

Зебур 128:2

– Яшлыгъымдан берли манъа къаршы чокъ дженклешти, амма мени енъип оламадылар.

Зебур 129:8

О, Исраильнинъ бутюн акъсызлыкъларыны одер.

Ешая 27:11

Къуруп къалгъан пытакълары къопарылалар, къадынлар келип, оларны якъалар. Бу халкъ бир шейни анъламагъаны ичюн, РАББИ оны аджымайджакъ, Яратыджы мерамет эйлемейджек.

Ешая 3:10

Инсафлы адамгъа яхшылыкъ кореджегини айтынъыз. О, озь ишлерининъ акъкъыны аладжакъ.

Ешая 44:4

Сув акъымлары янында оськен сельбилер киби, отлар арасында оседжеклер.

Ешая 58:11

О заман РАББИ эр заман ёлбашчынъыз оладжакъ, къургъакъ заманында сизлерни тойдураджакъ, беденлеринъизни къавийлештиреджек; сувгъа тойгъан бир багъча, суву битмеген чокъракъ киби оладжакъсынъыз.

Йирмея 17:8

О, акъкъан сувлар янында сачылгъан, дерья янына тамыр аткъан терекке ошар, къара сыджакътан къоркъмаз. Япракълары ешиль, къургъакълыкъ заманда къасеветленмез, мейва бермекни токътамаз.

Ехезкель 17:8

Бу юзюм буюк сувларнынъ янына, яхшы топракъкъа сачылгъан эди, ве филислемеге, мейва бермеге ве яхшы юзюм пытагъы ола билир эди.

Ехезкель 19:10

Сенинъ ананъ сув башында сачылгъан юзюм далы киби эди. Сувнынъ боллугъындан далланды ве буюк берекет берди.

Ехезкель 31:5

Шунынъ ичюн о, дагъ тереклерининъ эписинден юксек олды. Сувнынъ боллугъындан даллары чокълашты, пытакълары узанды.

Ехезкель 47:12

Озеннинъ эки ялысында чешит тюрлю мейва тереклери оседжек. Оларнынъ япракълары солмайджакъ, мейвалары битмейджек. Оларны Азиз Ерден акъкъан сувлар суваргъаны ичюн, олар эр ай янъы мейва береджек. Тереклернинъ мейвалары аш оладжакъ, япракълары исе шифалы оладжакълар.

Сайылар 24:6

Олар, вадийлер киби, джайылып яталар, озен ялысында багъчалар киби, РАББИ сачкъан ахалим тереклери киби, сувлар янындаки кедр тереклери кибидир.

Матта 13:6

Кунеш чыкъкъан сонъ исе, оларны якъа ве яхшы тамыр атмагъанларындан, фиданлар къуруп къалалар.

Матта 21:19

Ёл четинде бир инджир терегини корип, онынъ янына барды. Иса япракълардан гъайры ич бир шей тапмайып, терекке: – Энди сенинъ мейванъ эбедий олмасын! – деди. Инджир тереги исе шу ань къуруп къалды.

Матта 21:34

Юзюмлер пишкен вакъты кельгенде, о озюнинъ берекетини алмакъ ичюн, юзюмджилернинъ алдына хызметчилерини ёллады.

Матта 21:41

Динълегенлер Исагъа: – Бу яман адамларны къоркъунчлы ольдюреджек, багъыны исе башкъа, онъа махсулларны озь вакътында берген юзюмджилерге берер, – дедилер.

Юхан 15:6

Ким Менде олмаса, кесильген пытакъ киби атыладжакъ ве къуруйджакъ. Бойле пытакъларны джыйып, атешке атып якъалар.

Къануннынъ текрары 28:8

Эр бир туткъан ишинъ ве анбарларынъ РАББИ буюраджагъына коре берекетли оладжакъ. Алланъ олгъан РАББИ санъа береджек топракъта санъа берекет береджек.

Иуда 1:12

Севги акъшамларынъызда бу адамлар – къара лекелердир. Олар сизлернен берабер къоркъмайып ашап-ичелер, лякин тек озьлерини бакъалар. Олар – ельнен алып кетирильген ягъмурсыз булутлардыр, кеч кузьде мейвасыз къалгъан, тамырынен чыкъарылып ташлангъан, эки кере ольген тереклердир.

Сырларнынъ ачылувы 22:2

ве шеэрнинъ баш сокъагъындан акъаята эди. Озеннинъ о тарафында да, бу тарафында да бир яшайыш тереги бар эди. Эр айда, йылда он эки кере бу терек мейва бере, терекнинъ япракълары халкъларгъа шифа бермек ичюн эди.