Юхан 8:17 - Мукъаддес Китап

¹⁷ Сизинъ Къанунынъызда язылгъан ки, эки адамнынъ шаатлыгъы акъикъийдир.

Юхан 8:17 ပူးပေါင်းရင်းမြစ်များ

3 Падишалар 21:10

Онынъ къаршысына эки ярамай адам отуртынъыз. Олар Навоткъа къаршы: “Сен Алланы ве падишаны яманладынъ”, – деп шаатлыкъ этсинлер. Сонъ оны чыкъарып, ташларнен урып ольдюринъиз, о ольсюн».

Сайылар 35:30

Эгер бирев башкъа адамны ольдюрсе, оны шаатларнынъ сёзюне коре ольдюрмек керек. Амма оны ольдюрмек ичюн бир адамнынъ шаатлыгъы етерли дегиль.

Матта 18:16

Эгер сени динълемесе, озюнънен даа бир я да эки адамны алып бар. Эр бир олгъан шей эки я да учь шаатнен тасдыкъланмакъ керек.

Юхан 10:34

Иса шойле джевап къайтарды: – Сизинъ Къанунынъызда: «Мен айттым: “Сиз – аллаларсынъыз”», – деп язылмагъанмы?

Юхан 15:25

Лякин себепсиз Мени кореджек козьлери къалмагъаны акъкъында Къанунында язылгъан сёзлер беджерильмек керек.

2 Коринтлилерге 13:1

Мен энди учюнджи кере янынъызгъа келеятам. Эр бир къабаат эки я да учь шаатнынъ сёзлеринен тасдыкъланмакъ керек.

Галатиядакилерге 3:24

Бойлеликнен, иманымызнен акъланайыкъ деп, Къанун бизим тербиеджимиз олды ве бизни Месихке алып барды.

Галатиядакилерге 4:21

Сизлер, Къанун астында олмагъа истегенлер, манъа айтынъыз: сиз Къанунны анъламайсызмы?

Къануннынъ текрары 17:6

Эки я да учь шаатнынъ сёзюне коре бу адам ольдюрильмек керек. Бир шаатнынъ сёзюне коре ольдюрмеге олмаз.

Къануннынъ текрары 19:15

Башкъасыны насылдыр акъсызлыкъта я да гунада къабаатламакъ ичюн бир шаатнынъ сёзлери етерли дегиль. Эр бир ишни эки я да учь шаатнынъ сёзлерине коре чезмек керек.

Еудийлерге 10:28

Мусанынъ Къануныны ред эткен адамны эки я да учь адамнынъ шаатлыгъынен аджымайып олюм джезасына берелер.

1 Юхан 5:9

Биз адамларнынъ шаатлыкъларыны къабул этсек, Алланынъ шаатлыгъы олардан устюндир. Чюнки бу – Алланынъ шаатлыгъыдыр, Озь Огълу акъкъында берген шаатлыкътыр.

Сырларнынъ ачылувы 11:3

Мен эки шаатыма къудрет береджегим, ве олар чувал безинден тикильген урбада 1 260 кунь пейгъамберлик япаджакълар.