Юхан 8:15 - Мукъаддес Китап

¹⁵ Сиз тышкъы корюнишке бакъып суд этесиз; Мен исе ич кимсени суд этмейим.

Юхан 8:15 ပူးပေါင်းရင်းမြစ်များ

Амос 5:7

Эй, адалетни зеэрге чевиргенлер, акъикъатны ерге ургъанлар!

Амос 6:12

Атлар къая устюне чапармы? Къаяларны бугъаларнен сюрмеге олурмы? Сизлер исе адалетни зеэрге чевирдинъиз, акъикъат мейвасыны аджджыгъа айландырдынъыз.

Хавакъкъукъ 1:4

Шу себептен къанун озь кучюни джойды, адалетли суд ёкъ. Яманлыкъ япкъан адам инсафлыны енъе, ве адамлар догърулыкъны бозалар.

Лука 12:14

Иса онъа джевап берип: – Акъай, Мени сизге къады олмакъ я да даваларынъызны чезмек ичюн ким къойды? – деди.

Юхан 12:47

Ким Меним сёзлеримни эшитип иман этмесе, оны Мен суд этмейим. Мен дюньяны суд этмек ичюн дегиль, къуртармакъ ичюн кельдим.

Юхан 18:36

Иса джевап берди: – Меним Падишалыгъым бу дюньядан дегиль. Эгер Падишалыгъым бу дюньядан олгъан олса, Мен еудий башлыкъларынынъ къолуна берильмемек ичюн, хызметчилерим курешир эдилер. Ёкъ, Меним Падишалыгъым бу ерден дегиль.

Юхан 3:17

Алла Огълуны, дюньяны суд этмек ичюн дегиль, Онынъ ярдымынен дюньяны къуртармакъ ичюн, ёллады.

Юхан 7:24

Корюнишине коре суд этменъиз, лякин адалетли суд этинъиз, – деди.

Юхан 8:11

– Ич кимсе, эфендим! – деп джевап берди къадын. – Мен де сени къабаатламайым, – деди Иса. – Бар да, бундан сонъ даа гуна япма.

Римлилерге 2:1

Шунынъ ичюн, эгер сен башкъаларны суд этсенъ, ким олсанъ ол, озюнъни акъламакъ ичюн ич бир джевап берип оламайджакъсынъ. Башкъа адамны суд эткенде, сен укюм джезасыны озюнъе бересинъ. Башкъасыны суд этип, озюнъ де суд этильген ишлерни япасынъ!

1 Коринтлилерге 2:15

Шунынъ ичюн Алланынъ Руху олгъан адам эр шейнинъ къыйметини кесмек мумкюн, рухсузларнынъ тарафындан исе онынъ къыймети кесильмез.

2 Коринтлилерге 5:16

Онынъ ичюн биз энди ич кимсеге адам ольчюсинен къыймет кесип оламаймыз. Эвельден Месихке де адам ольчюсинен къыймет кескен олсакъ да, шимди бойле къыймет кесмеймиз.

Якъуп 2:4

сизлер адам айырып, яман ниетнен суд этмейсизми?!

1 Падишалар 16:7

Лякин РАББИ Смаилге: – Сен онынъ дюльбер къыяфетине, юксек боюна бакъма. Мен оны ред эттим. Мен адам киби бакъмайым. Адам адамнынъ юзюне бакъа, РАББИ исе юрегине бакъа, – деди.