Юхан 3:27 - Мукъаддес Китап

²⁷ Ягъя джевап берип: – Эгер коктен берильмесе, адам ич бир шей алып оламай.

Юхан 3:27 ပူးပေါင်းရင်းမြစ်များ

Йирмея 1:5

– Сени ана къурсагъында яратмагъанымдан эвель, сени сайладым. Сен догъмаздан эвель, Мен сени айырып элялладым, халкъларгъа пейгъамбер оларакъ къойдым.

Йирмея 17:16

Сенинъ чобанынъ олмагъа ашыкъмай эдим, беля кунюни де истемедим, Сен буны билесинъ. Агъзымдан чыкъкъан эр сёзюм юзюнъ огюндедир.

Амос 7:15

Лякин РАББИ мени къой-эчкилерден алды ве манъа: «Бар, Меним халкъыма Исраильге пейгъамберлик эт», – деди.

Сайылар 17:5

Мен сайлайджакъ адамнынъ таягъы гуль ачаджакъ. Бойле этип, Мен Исраиль огъулларынынъ сизге бильдирген шикяетлерини токътатырым.

Матта 21:25

Ягъя халкъны сувгъа батырып чыкъаргъаны кимден эди? Алладан я да адамларданмы? – деди. Олар исе озьара давалашып башладылар: «Эгер “Алладан”, – десек, О бизлерден: “Не ичюн Ягъягъа инанмадынъыз?” – деп сорайджакъ.

Матта 25:15

Бирисине беш, башкъасына эки, учюнджисине бир бинъ алтын бере – эр бирине къабилиетине коре. Озю исе кете.

Марк 13:34

Бу бунъа ошай: бир адам, сеферге кетип, озь эвини къулларына къалдырып, эр бирине махсус вазифе бере. Къапу къаравулына исе козь-къулакъ олмакъны буюрып, ёлгъа чыкъа.

Юхан 10:41

Онынъ алдына чокъ адамлар кельди. Олар дей эдилер ки, Ягъя ич бир бельги косьтермеген олса да, онынъ Иса акъкъында айткъанларынынъ эписи акъикъий чыкъты.

Юхан 6:65

– Шунынъ ичюн де Мен: «Бабам ёл бермесе, ич кимсе Манъа келип оламаз», – дегеним, – деди О.

Римлилерге 1:5

Алла бизге Иса аркъалы эйилик япып, эльчилик багъышлады, эписи халкъларнынъ адамлары имангъа келип, Онынъ Адынен Аллагъа бойсунсынлар;

Римлилерге 12:6

Бизге Алланынъ эйилигинен берильген къабилиетлер де башкъа-башкъадыр. Биревнинъ къабилиети пейгъамберлик этмек олса, иманына коре пейгъамберлик япсын.

1 Коринтлилерге 1:1

Павел (Алланынъ истегинен Иса Месих мени эльчи олмагъа чагъырды) ве дин къардашымыз Сосфен –

1 Коринтлилерге 12:11

Буларнынъ эписи – айны шу Рухнынъ ишидир. О, бу къабилиетлерни истегенине коре айры-айры багъышлай.

1 Коринтлилерге 15:10

Энди не олгъан олсам, Алланынъ эйилигинен олдым. Онынъ манъа косьтерген эйилиги бошуна чыкъмады, чюнки мен эльчилернинъ эписинден чокъ чалыштым. Даа догърусы чалышкъаным озюм дегиль, манъа берильген Алланынъ эйилиги чалышты.

1 Коринтлилерге 3:5

Аполлос ким? Павел де ким? Олар тек хызметчилердир. Сизлер бу хызметчилернинъ ярдымынен имангъа кельдинъиз. Рабби эр биримизге айры хызметни берди.

1 Коринтлилерге 4:7

Ким сизни башкъалардан юксек къойды? Эр бир шейинъизни сизге Алла бермедими? Эгер эр шейинъиз сизге бахшыш оларакъ берильген олса, олар бахшыш олмагъан киби не ичюн макътанасыз?

Галатиядакилерге 1:1

Павел эльчи (меним эльчилигим не инсанлардан, не бирде-бир инсаннынъ ярдымынен кельди, мени Иса Месих ве Оны олюлерден тирильткен Алла Бабамыз эльчи яптылар)

Эфеслилерге 1:1

Павел, Алланынъ истегенинен Иса Месихнинъ эльчиси, – Эфес шеэриндеки азизлерге ве Иса Месихке инангъанларгъа:

1 Тимотейге 2:7

Мен исе бунынъ хаберджиси ве эльчиси, тюрлю халкъларгъа иман ве акъикъатны огретмек ичюн оджа олып тайинлендим. Акъикъатны айтам, ялан айтмайым.

Якъуп 1:17

Эр бир яхшы ве мукеммель бахшыш юкъарыдан, коклердеки ярыкъларны яраткъан Бабадан келе. О, денъишип тургъан кольгеге ошамаз, ич бир вакъыт денъишмез.