Юхан 20:25 - Мукъаддес Китап

²⁵ Башкъа шегиртлер онъа: – Биз Раббини корьдик, – дедилер. Тома оларгъа шойле деди: – Мен Онынъ къолларындаки мых яраларыны корьмегенимдже, Онынъ мых яраларына озь пармагъымны тийдирмегенимдже, къолумны Онынъ багърына къоймагъанымдже, инанмам.

Юхан 20:25 ပူးပေါင်းရင်းမြစ်များ

Эюп акъкъында китап 9:16

Оны чагъыргъанда, О манъа джевап берсе де, сесимни эшиткенине инанмаз эдим.

Матта 27:42

– Башкъаларны къуртара эди, Озюни исе къуртарып оламай! О – Исраильнинъ Падишасы! Хачтан тюшсюн, о вакъытта биз Онъа инанырмыз!

Марк 16:11

Амма олар Исанынъ тири олгъаныны ве Мерьем Оны корьгенини эшитип, инанмагъа истемей эдилер.

Марк 16:13

Олар къайтып келип, башкъаларына хабер эттилер, лякин шегиртлер бу хаберге де инанмадылар.

Марк 16:14

Сонъунда Иса, аш вакътында янбашлап отургъан он бир шегиртине корюнди. Иса оларны имансызлыгъында ве юреклери таш киби олгъанында айыплады, чюнки олар тирильген Исаны корьген адамларгъа инанмагъан эди.

Лука 24:25

Иса оларгъа: – Эй, акъылсызлар! Пейгъамберлернинъ айткъанларына иманы агъыр адамлар!

Юхан 1:41

О, биринджиден агъасы Симонны тапа да, онъа: «Биз Месихни таптыкъ», – дей. (Месих – «Христос» демектир.)

Юхан 20:27

Сонъ Томагъа бакъып: – Пармагъынъны мында къой, Меним къолларыма бакъ. Къолунъны узат да, оны багърыма къой. Энди имансыз олма, иманлы ол! – деди.

Юхан 21:7

О вакъыт Исанынъ севимли шегирти: – О, Раббидир! – деди Пётргъа. Симон Пётр Онынъ Рабби олгъаныны эшиткенинен, эвельден чыкъарып ташлагъан усть урбасыны кийди де, озюни гольге атты.

Юхан 6:30

– Биз корейик ве иман этейик деп, насыл бельги косьтереджексинъ? Не иш беджереджексинъ? – деди халкъ.

Еудийлерге 3:12

Эй, дин къардашларым, мукъайт олунъыз, ич биринъизде яман ве имансыз бир юрек олмасын, Тири Алладан вазгечменъиз.

Еудийлерге 3:18

Алла: «Олар Меним раатлыкъ ериме кирмейджеклер», – деп, кимлер акъкъында ант этти? Оны динълемеген адамлар акъкъындадыр!