Юхан 20:14 - Мукъаддес Китап

¹⁴ Буны айткъанынен, артына айланып, онынъ янында тургъан Исаны корьди. Лякин Онынъ Иса олгъаныны бильмеди.

Юхан 20:14 ပူးပေါင်းရင်းမြစ်များ

Башланув 42:8

Юсуф агъаларыны таныды, лякин олар оны танымадылар.

Матта 28:9

Апансыздан оларнынъ къаршысына Исанынъ Озю чыкъып: – Мерабанъыз! – деди. Къадынлар Онынъ янына чапып бардылар ве аякъларыны къучакълап, теменна эттилер.

Марк 16:12

Ондан сонъ Иса башкъа къыяфетте бир къасаба тарафына кетеяткъан эки шегиртине корюнди.

Марк 16:9

‌Афтанынъ биринджи кунюнде, саба эрте тирильген Иса башта магдалалы Мерьемге корюнди. Ондан О, еди джинни къувгъан эди.

Лука 24:16

Амма козьлери кёр киби олып, олар Оны танымадылар.

Лука 24:31

О дакъкъасы шегиртлернинъ козьлери ачылды, ве олар Оны таныдылар. Амма Иса бирден оларнынъ козьлеринден гъайып олды.

Лука 4:30

Лякин Иса оларнынъ арасындан кечип, о ерни къалдырды.

Юхан 21:4

Кунь догъгъанда, Иса ялыда турмакъта эди. Шегиртлер Онынъ Иса олгъаныны анъламадылар.

Юхан 8:59

О вакъыт олар, Исагъа атмакъ ичюн къолларына таш алдылар. Лякин Иса гизленип, Сарайдан чыкъты.