Юхан 18:38 - Мукъаддес Китап

³⁸ ‌– Акъикъат недир? – деп сорады Пилат. Буны айтты да, кене тышарыгъа, еудийлернинъ алдына чыкъты. – Мен Онда ич бир къабаат тапмайым, – деди оларгъа.

Юхан 18:38 ပူးပေါင်းရင်းမြစ်များ

Матта 27:24

Пилат ич бир шей ярдым этмегенини, аксине исьян котериледжегини корип: – Мен бу адамнынъ къаны тёкюледжегинде къабаатлы дегилим. Бу ишни озьлеринъиз бакъынъыз! – деди де, халкънынъ козю огюнде сув кетиртип, эллерини ювды.

Марк 15:14

Пилат исе: – О не яманлыкъ япты? – деди. Амма олар даа бетер багъырып: – Оны хачкъа мыхлап къой! – дедилер.

Лука 23:4

Пилат баш руханийлерге ве халкъкъа: – Мен бу адамда ич бир къабаат тапмайым, – деди.

Юхан 18:33

Пилат преториягъа къайтып, Исаны чагъырды да: – Еудийлернинъ Падишасы Сен оласынъмы? – деп сорады.

Юхан 19:4

Сонъ Пилат кене тышарыгъа чыкъып, халкъкъа: – Мына, Оны огюнъизге чыкъараджам. Билинъиз: мен Онда ич бир къабаат тапмадым! – деди.

Юхан 19:6

Баш руханийлер ве мемурлар Исаны корип: – Оны хачкъа мыхла, хачкъа! – деп къычырдылар. – Оны сиз алынъыз да, хачкъа мыхланъыз! Мен Онда ич бир къабаат тапмадым, – деди Пилат оларгъа.

Фаалиет 17:32

Олюлернинъ тирилюви акъкъында эшитип, базылары оны масхара этип кульдилер. Башкъалары исе: – Бу акъта сени башкъа сефер динълермиз, – дедилер.

1 Пётр 1:19

лякин Месихнинъ къыйметли къанына, яни къабаатсыз ве темиз-пак къозунынъ къанына сатын алындынъыз.