Юхан 14:27 - Мукъаддес Китап

²⁷ Мен сизге барышыкъ къалдырам, Озь барышыгъымны сизге берем. Дюнья бергени киби Мен бермейим. Юреклеринъиз сыкъылмасын, къоркъманъыз.

Юхан 14:27 ပူးပေါင်းရင်းမြစ်များ

2 Тарих вакъиалары 20:30

Сонъра Ехошафатнынъ падишалыгъы тынч яшап башлады. РАББИ онъа эр тарафтан тынчлыкъ берди.

Эюп акъкъында китап 34:29

Лякин О, сессиз къалса, Оны ким къабаатлап олур? Юзюни гизлесе, Оны ким корип олур? Эм халкъкъа, эм бир адамгъа бир олур,

Зебур 11:1

Баш чалгъыджы ичюн. Аль-хашшеминит. Давутнынъ зебуры.

Зебур 112:7

фукъарени О, топракътан котере, ёкъсулны куль тёпеден чыкъарып юксельте

Зебур 27:1

Я РАББИ, Сени чагъырам! Меним Къаям! Мени джевапсыз къалдырма! Ёкъса, Сен манъа джевап бермесенъ, мен мезаргъа тюшкенге ошайджагъым.

Зебур 28:3

РАББИнинъ сеси сувларнынъ устюндендир; шуретли Алла гудюрдеди; РАББИ бутюн сувлар устюндендир!

Зебур 29:11

Эшит мени, я РАББИ, ве мерамет эт манъа! Я РАББИ, манъа ярдымджы ол!»

Зебур 56:11

Сенинъ буюк севгинъ коклерге ете, акъикъатынъ да булутларгъа етише!

Зебур 56:3

Мен Юдже Алланы, мен ичюн эр шейни япкъан Алланы чагъыраджагъым.

Зебур 72:2

Мен исе, меним аякъларым аз къалды абынаджакъ эди, табанларым аз къалды таяджакъ эди.

Зебур 72:7

Козьлери семизликтен патлап чыкъар, юреклери яман фикирлерни догъар.

Зебур 85:10

Сен улусынъ, аджайип шейлер япасынъ. Ялынъыз Сен – Алласынъ.

Зебур 91:5

Я РАББИ, Озь ишлеринънен мени къувандырдынъ, яраткъанларынъдан севинчнен къычырам!

Икметли сёзлер 3:25

Апансыз белядан ве ярамайларгъа кельген къазадан къоркъма,

Ешая 12:2

Мени Алла къуртара! Онъа ишанып, къоркъмайджагъым! РАББИ-Тааля – кучюм, Онъа йырларым! О мени къуртарды!

Ешая 41:10

Къоркъма! Мен янынъдадырым! Дешетке къалма! Мен Алланъдырым! Мен сени къавийлештиририм, санъа ярдым этерим, онъ къолумнен санъа адалет берерим.

Ешая 41:14

– Къоркъма, Якъуп-къурт, Исраиль акъайлары! Санъа Мен ярдым этеджегим, – дей РАББИ, сени сатын алгъан Исраильнинъ Азизи.

Ешая 54:13

Огъулларынъ эписини РАББИ акъкъында огретеджеклер, огъулларынъ буюк тынчлыкъ-аманлыкъ ичинде яшайджакъ.

Ешая 55:12

Шенъликнен чыкъаджакъсынъыз, тынчлыкъ-аманлыкънен сизни алып кетеджеклер, дагълар ве байырлар огюнъизде тюркю йырлайджакълар, чёльдеки эписи тереклер сизге эль чырпаджакълар.

Ешая 57:19

ве олар Мени макътайджакълар. Узакътаки ве якъындакилерге тынчлыкъ-аманлыкъ олсун! – дей РАББИ. – Мен оларны яхшы этеджегим!

Ешая 9:6

Бизге бир Бала догъды, бизге бир Огъул берильди! Омузлары устюне акимиет къоюлды. Онъа «Аджайип», «Насиатчы», «Кучьлю Алла», «Эбедий Баба», «Аманлыкъ Падишасы» дейджеклер.

Йирмея 1:8

Олардан къоркъма. Мен сенинъ янынъда оладжагъым ве олардан къуртараджагъым, – деди РАББИ.

Агълав йырлары 3:17

джанымнынъ раатлыгъы гъайып олды, аманлыкъ не олгъаныны унуттым.

Ехезкель 2:6

Сен исе, инсан огълу, олардан къоркъма, оларнынъ сёзлеринден де къоркъма. Олар сенинъ чевре-четинъде тикенлер ве когем чалылары киби олса да, сен чаянлар арасында яшасанъ да, оларнынъ айтаджакъларындан къоркъма ве къоркъунчлы юзьлеринден дешетленме. Олар исьянджы халкътыр.

Даниял 4:1

– Мен, Невукъаднеццар, озь эвимде – раатлыкъ ве тынчлыкъта, сарайымда – боллукъта яшай эдим.

Даниял 6:25

Ондан сонъ Дарьявеш падиша бутюн ер юзюнде яшагъан эписи халкъларгъа, миллетлерге ве тиллерге бойле деп язды: «Сизге буюк тынчлыкъ-аманлыкъ олсун! Мен бойле эмир берем:

Зекерья 6:13

РАББИнинъ Сарайыны къураджакъ ве шан-шуретли оладжакъ. О, падиша оладжакъ ве тахтында башлыкъ этеджек. Озь тахтында руханий де отураджакъ. Оларнынъ экиси бирлик ве муаббет арекет этеджек.

Сайылар 6:26

РАББИ юзюни санъа чевирсин ве тынчлыкъ-аманлыкъ берсин!»

Матта 10:26

‌Амма олардан къоркъманъыз! Эр бир сакъланылгъан шей озь вакътында ачыладжакъ, ве эр бир сыр белли олур.

Лука 1:79

къаранлыкъ ве олюм кольгеси тюбюнде яшагъанларны ярыкълатаджакъ, бизге барышыкъ ёлуны косьтереджек.

Лука 10:5

Къайсы эвге кирсенъиз, башта: «Эвинъизге барышыкъ олсун», – денъиз.

Лука 12:4

‌Мен сизге, достларыма айтам: беденни ольдюрип, сонъ башкъа бир шей япып оламагъанлардан къоркъманъыз.

Лука 2:14

– Юкъары коклерде Аллагъа шан-шурет! О мемнюн олгъан адамларгъа ер юзюнде барышыкъ олсун! – дедилер.

Юхан 14:1

– Юреклеринъиз сыкъылмасын. Аллагъа иман этесиз, Манъа да иман этинъиз!

Юхан 16:33

Сиз Менде барышыкъ тапмакъ ичюн буларны сизге айттым. Дюньяда къаза-беля ичинде яшарсынъыз. Лякин джесюр олунъыз: Мен бу дюньяны енъдим.

Юхан 20:19

Шу куннинъ акъшамында, афтанынъ биринджи кунюнде шегиртлер, еудий башлыкъларындан къоркъып, эвнинъ къапуларыны къапатып отура эдилер. О вакъыт Иса пейда олды. Шегиртлернинъ ортасында турып, оларгъа: – Селям алейкум! – деди.

Юхан 20:21

Иса оларгъа кене: – Селям алейкум! Бабам Мени ёллагъан киби, Мен де сизни ойле ёллайым, – деди.

Юхан 20:26

Секиз куньден сонъ Исанынъ шегиртлери кене эвде топлаштылар. Оларнен берабер Тома да эди. Къапулары къапалы олгъан олса да, Иса кельди ве оларнынъ ортасында турып: – Селям алейкум! – деди.

Фаалиет 10:36

Алла Озь Сёзюни Исраиль огъулларына ёллап, Иса Месихнинъ ярдымынен барышыкъ илян этти. Шу Иса – эписининъ Раббисидир.

Фаалиет 18:9

Геджелернинъ биринде Рабби Павелге руяда: «Къоркъма! Айта бер, сусып къалма!

Римлилерге 1:7

Алла севген ве азиз олмагъа чагъыргъан, бутюн Рим шеэринде яшагъан иманлыларгъа: Алла Бабамыз ве Рабби Иса Месих сизге эйилик ве тынчлыкъ-аманлыкъ берсин!

Римлилерге 15:13

Ишанч берген Алла сизлерни къуванч ве тынчлыкъ-аманлыкъкъа толдурсын; сизинъ ишанчынъыз Мукъаддес Рухнынъ кучюнен бол олсун!

Римлилерге 5:1

Иманымыз ичюн акъланып, Раббимиз Иса Месихнинъ ярдымынен бизим Алланен арамызда тынчлыкъ-аманлыкъ кельди.

Римлилерге 5:10

Алланынъ душманлары олгъанымызда, Огълунынъ олюминен Озюнен барышкъан олсакъ, даа да Огълунынъ омрюнен къуртулышны тападжакъмыз

Римлилерге 8:6

Беден акъкъында тюшюнджелер олюмни кетирелер, Алланынъ Руху акъкъында тюшюнджелер исе яшайыш ве тынчлыкъ-аманлыкъны кетирелер,

1 Коринтлилерге 1:3

Алла Бабамыз ве Рабби Иса Месих сизге эйилик ве тынчлыкъ-аманлыкъ берсин!

Галатиядакилерге 1:3

Алла Бабамыз ве Рабби Иса Месих сизге эйилик ве тынчлыкъ-аманлыкъ берсин!

Галатиядакилерге 5:22

Рухнынъ мейвасы исе – севги, къуванч, тынчлыкъ-аманлыкъ, сабыр, мерамет, яхшылыкъ, ишанч,

Галатиядакилерге 6:16

Бу къаиденен яшагъанларнынъ эписине ве Алланынъ Исраилине тынчлыкъ-аманлыкъ ве мерамет олсун!

Филиплердекилерге 4:7

О вакъыт сизинъ юреклеринъизни ве фикирлеринъизни адам акълына сыгъмагъан, Алла берген тынчлыкъ-аманлыкъ Иса Месихте сакълайджакъ.

Колоссайлыларгъа 1:2

Колоссай шеэриндеки азизлерге ве Месихке инангъан садыкъ агъа-къардашларымызгъа: Алла Бабамыз сизге эйилик ве тынчлыкъ-аманлыкъ берсин!

Колоссайлыларгъа 1:20

Озюнен эр бир шейни Онынъ ярдымынен барыштырмагъа, ердеки ве коклердеки эр бир шейлерге хачта тёкюльген къаны ярдымынен тынчлыкъ-аманлыкъ кетирмеге истеди.

Колоссайлыларгъа 3:15

Юрегинъизде Месихнинъ аманлыгъы падишалыкъ этсин; сизлер, бир беденнинъ азалары олып, бунъа чагъырылдынъыз. Миннетдар олунъыз.

2 Тессалоникелилерге 1:2

Алла Бабамыз ве Рабби Иса Месих сизге эйилик ве тынчлыкъ-аманлыкъ берсин!

2 Тессалоникелилерге 3:16

Аманлыкъ Раббиси Озю сизлерге эр вакъыт ве эр шейде тынчлыкъ-аманлыкъ берсин. Рабби сизинъ эпинъизнен олсун!

2 Тимотейге 1:7

Алла бизге къоркъакълыкъ рухуны дегиль, кучь-къувет, севги ве низам рухуны берди.

Еудийлерге 13:20

Эбедий васиетнинъ къанына бакъып, къойларынынъ буюк Чобаны, Раббимиз Исаны олюлерден тирильткен, тынчлыкъ-аманлыкъ берген Алла,

Еудийлерге 7:2

Ибраим онъа эр бир шейден онда бир пайыны берди. Мелкиседек адынынъ биринджи манасы – «догърулыкъ падишасы», сонъра о, Салим шеэрининъ падишасы, яни тынчлыкъ-аманлыкъ падишасыдыр.

Сырларнынъ ачылувы 1:4

Юхан – Кучюк Асиядаки еди иманлыларнынъ джемиетине: Шимди ве эвельде бар олгъан, энди де келеяткъан Алла ве Онынъ тахты алдында тургъан еди Рухлар сизге эйилик ве тынчлыкъ-аманлыкъ берсин!

Сырларнынъ ачылувы 2:10

Башынъа тюшеджек азаплардан къоркъма. Мына, Шейтан сизлерни сынамакъ ичюн, аранъыздан базыларны алып, тюрьмеге ташлайджакъ, ве он кунь къадар сиз азап чекеджексиз. Ольгендже садыкъ къал, ве о вакъыт Мен санъа яшайыш берерим, о, санъа тадж дайын олур.

Сырларнынъ ачылувы 21:8

Амма къоркъакъ, имансыз, игренч, адамларны ольдюрген, ороспу, джады, путперест ве бутюн яланджыларнынъ къысмети – атеш ве кукюрт янгъан гольдедир. Бу, экинджи олюмдир.