Юхан 13:8 - Мукъаддес Китап

⁸ – Меним аякъларымны ич бир вакъыт ювмайджакъсынъ! – деди Пётр. – Эгер ювмасам, Меннен бирликте пайынъ олмайджакъ, – деди Иса.

Юхан 13:8 ပူးပေါင်းရင်းမြစ်များ

Башланув 42:38

– Огълум сизнен бармайджакъ, – деди бабасы. – Онынъ агъасы ольди, ве о, бир озю къалды. Эгер сиз чыкъаджакъ ёлда онен бир беля олса, сизинъ ичюн мен, чал къарт, кедерден о бир дюньягъа кетерим.

2 Падишалар 20:1

Шу ерде ярамай бир биньяминли адам – Бикрийнинъ огълу Шева бар эди. О, бору чалып: – Давутта бизим пайымыз ёкъ! Йишай огълунда мирасымыз ёкъ! Эй, исраиллилер, эр биринъиз озь чадырынъызгъа къайтынъыз! – деди.

3 Падишалар 12:16

Бутюн исраиллилер, падиша оларны динълемегенини корип, падишагъа джевап берип: – Давуттан бизге не файда? Йишай огълунда бир пайымыз ёкъ. Эй, Исраиль! Эвлеринъизге къайт! Сен де, Давут, озь сюляленъе озюнъ бакъ! – дедилер, ве бутюн Исраиль озь чадырларына къайтты.

Зебур 51:2

«Давут Ахимелекнинъ эвине кирди», – деп онъа бильдирди.

Зебур 51:7

Алла Озю сени эбедиен ёкъ этеджек, сени булунгъан еринъден къувып айыраджакъ, тирилер топрагъындан сенинъ тамырынъны чыкъараджакъ. Сэла

Ешая 4:4

Рабби Сион къызларынынъ арамлыкъларыны юваджакъ, адалетли суд ве атеш рухунен Ерусалимни анда тёкюльген къандан темизлейджек.

Ехезкель 36:25

Мен устюнъизге темиз сув сепеджегим, ве сизлер эписи озь писликлеринъизден темизленеджексинъиз. Сизни даа эписи путларынъыздан темизлейджегим.

Зекерья 13:1

О куню Давутнынъ сою ичюн ве Ерусалимде яшагъанлар ичюн бир чокъракъ ачыладжакъ. Онынъ ярдымынен адамларгъа гуналарындан ве арамлыкъларындан темизленмеге мумкюн оладжакъ.

Матта 16:22

Пётр Оны четке чекип: – Алла сакъласын, Раббим! Сеннен бойле шей ич бир вакъыт олмаз! – деп, Оны азарлап башлады.

Матта 21:29

Амма о: «Истемейим!» – деп сёз къайтара. Сонъ пешман этип, бара.

Матта 26:33

Пётр джевап берип Онъа: – Эписи Сенинъ ичюн ёлдан урулсалар биле, мен ич бир вакъыт ёлдан урулмайджам! – деди.

Матта 26:35

Пётр Онъа: – Манъа Сеннен берабер ольмеге керек олса биле, Сенден вазгечмейджем! – деди. Башкъа шегиртлери де шойле дедилер.

Юхан 13:6

Симон Пётрнынъ янына кельгенде: – Рабби! Сен меним аякъларымны ювмагъа истейсинъми?! – деди Пётр.

Юхан 13:9

О вакъыт Симон Пётр: – Рабби, тек аякъларымны дегиль, къолларымны, башымны да юв! – деди.

Юхан 3:5

Иса джевап берип: – Санъа керчектен догърусыны айтам: эгер ким сувдан ве Рухтан догъмаса, Алланынъ Падишалыгъына кирип оламаз, – деди.

Фаалиет 22:16

Энди даа не беклейсинъ? Еринъден тур ве, Исанынъ Адыны чагъырып, сувгъа батырылып чыкъ да, гуналарынъдан темизлен!» – деди.

1 Коринтлилерге 6:11

Базыларынъыз бойле эдинъиз, амма ювундынъыз, азиз олдынъыз, Рабби Иса Месихнинъ Адынен ве Алламызнынъ Рухунен акъландынъыз.

Эфеслилерге 5:26

Оны сувнен ювып, Озь сёзюнен оны элялламагъа ве азиз этмеге,

Къануннынъ текрары 12:12

Алланъыз олгъан РАББИнинъ огюнде огъулларынъыз ве къызларынъызнен, къулларынъыз ве хызметчи апайларынъызнен берабер шенъленинъиз. Шахсий топракъ мирасы олмагъан, аранъызда яшагъан левийлилер де шенъленсинлер.

Колоссайлыларгъа 2:18

Озь истегинен озьлерини алчакъ къоймакътан ве мелеклерге табынмакътан кейф тапкъан адамлар сизинъ мукяфатынъызны алмасын. Олар озь корьген руялар акъкъында фикир этелер, озь адам акълынен бошуна макътаналар.

Колоссайлыларгъа 2:23

Бутюн бу озю тюшюнип тапкъан диндарлыкъ, озюни алчакъгонъюлли киби косьтерюв ве беденини азаплав, эльбетте, икметке ошай, лякин беденнинъ яман истеклерини бастыргъанда бунынъ файдасы ёкъ.

Титке 3:5

О, бизни къуртарды. Япкъан инсафлы ишлеримиз ичюн дегиль, Озю мераметли олгъаны ичюн къуртарды, сувнен ювып, янъыдан яратты, Мукъаддес Рух ярдымынен бизге янъы омюр берди.

Еудийлерге 10:22

Шунынъ ичюн толу иманнен ве чин юрекнен Аллагъа якъынлашайыкъ, юреклеримизни яман видждандан темизлейик, беденимизни темиз сувнен ювайыкъ.

Сырларнынъ ачылувы 1:5

Ишанчлы Шаат, олюлер ичинден биринджи олып тирильген ве ер юзюндеки падишаларнынъ Султаны олгъан Иса Месих де сизге эйилик ве тынчлыкъ-аманлыкъ берсин! О, бизни севгени ичюн, Озь къаныны тёкип, бизни гуналарымыздан къуртаргъаны

Сырларнынъ ачылувы 7:14

– Эфендим, буны сен билесинъ, – дедим мен. О, манъа шойле деди: – Булар – буюк белядан кечип кельгенлер. Олар озь урбаларыны Къозунынъ къанынен ювдылар, ве олар беяз олдылар.