Юхан 11:5 - Мукъаддес Китап

⁵ Иса Мартаны, онынъ къызкъардашыны ве Лазарны севе эди.

Юхан 11:5 ပူးပေါင်းရင်းမြစ်များ

Лука 10:38

Озь ёлуны девам эткенде, Иса шегиртлеринен берабер бир койге кирди. Бу ерде Марта адлы бир къадын Онъа хошкельдинъ деп, эвинде къабул этти.

Лука 10:40

Марта исе мусафирни сыйламакъ ичюн чапкъалай эди. Исанынъ янына келип: – Эфендим, къызкъардашым бутюн ишни манъа къалдыргъанына бакъмайсынъмы? Айтса онъа, манъа ярдым этсин! – деди.

Лука 10:41

Рабби онъа джевап берип: – Марта, Марта, сен чокъ шей акъкъында къайгъырасынъ ве къасевет этесинъ,

Юхан 11:1

Бетания деген койде Лазар адлы бир адам хаста ята эди. Мерьем ве Марта адлы тата-къардаш да бу койден эдилер.

Юхан 11:3

Тата-къардаш Исагъа: «Рабби, Сенинъ севимли достунъ хаста олып ята», – деп хабер ёлладылар.

Юхан 11:36

Еудийлер: – Бакъынъыз, оны не къадар севе экен, – дедилер.

Юхан 11:6

Амма Лазарнынъ хаста олып яткъаныны бильсе де, олгъан еринде даа эки кунь къалды.

Юхан 11:8

– Равви, – деди шегиртлери, – якъында еудийлер Сени ташларнен ольдюрмеге чаресини къыдыра эдилер. Сен кене о ерге бармагъа истейсинъми?

Юхан 16:27

Баба Озю сизни севе, чюнки сиз Мени севип, Алладан чыкъкъаныма инандынъыз.

Юхан 17:26

Оларда Манъа олгъан севгинъ олсун ве Мен оларда олайым деп, Мен оларгъа Сенинъ Адынъны бильдирдим ве даа бильдиреджегим.