Юхан 1:38 - Мукъаддес Китап

³⁸ Иса айланып, артындан кельгенлерни корьди ве олардан: – Сизлерге не керек? – деп сорады. – Равви, сен къаерде яшайсынъ? – деди олар. (Равви – «Оджам» демектир.)

Юхан 1:38 ပူးပေါင်းရင်းမြစ်များ

3 Падишалар 10:8

Сенинъ адамларынъ бахтлыдыр! Сенинъ огюнъде даима тургъан ве акъыллы сёзлеринъни эшиткен хызметкярларынъ да бахтлыдыр!

Зебур 27:4

Оларнынъ ишлерине коре, яманлыкъларына коре, къоллары япкъанларына коре, къазангъанларына коре акъларыны бер!

Икметли сёзлер 13:20

Икметли адамларнен акъыл танышкъан адам икметли олур, акъылсызларнен иш туткъан адам исе белягъа огърар.

Икметли сёзлер 3:18

Икметни тапып алгъан адам ичюн, о – омюр терегидир, оны яхшы туткъан – бахтлыдыр!

Икметли сёзлер 8:34

Мени динълеген, къапуларымнынъ огюнде гедже-куньдюз олгъан, къапуларымдан ич айырылмагъан адам бахтлыдыр!

Агълав йырлары 5:19

Я РАББИ, Сен эбедиен падишалыкъ этесинъ! Тахтынъ несиллерден несиллерге турар!

Лука 10:39

Онынъ Мерьем адлы бир къызкъардашы бар эди. О, Раббининъ аякълары алдында отурып, Онынъ лафларыны динълей башлады.

Лука 14:25

Исанен берабер чокътан-чокъ адам юре эди. О оларгъа таба чевирилип:

Лука 15:20

Бундан сонъ о, бабасына къайта. О даа узакъта келеяткъанда, бабасы огълуны коре ве аджый. О, чапып барып, огълунынъ бойнундан къучакълап опе.

Лука 19:5

Иса о ерге келип чыкъкъанда, башыны котерди де, Закийни корьди. – Эй, Закий, тез тюш андан. Бугунь Мен сенинъ эвинъде олмакъ керегим, – деди О.

Лука 22:61

Рабби Иса айланып, Пётргъа бакъты. Шу ань Пётр Раббининъ онъа: «Бугунь хораз къычырмаздан эвель, сен учь кере Менден вазгечеджексинъ», – деген сёзлерини хатырлады.

Лука 8:38

Джинлерден къуртулгъан адам Исанынъ янында къалмакъ ичюн Ондан разылыкъ сорады. Лякин Иса оны ёллап:

Юхан 1:37

Эки шегирт Ягъянынъ бу сёзлерини эшитип, Исанынъ артындан кеттилер.

Юхан 1:39

– Келип бакъынъыз, – деди Иса. Саат дёрт къарарларында эди. Олар барып, Исанынъ яшагъан ерини корьди ве шу куню Онен къалдылар.

Юхан 1:49

О вакъыт Натанель: – Равви, Сен Алланынъ Огълусынъ, Исраильнинъ Падишасысынъ! – деди.

Юхан 12:21

Олар Галилеянынъ Бетсайда шеэринден олгъан Филипнинъ алдына барып ялвардылар: – Эфенди, биз Исаны корьмеге истеймиз.

Юхан 18:4

Иса, Озюне оладжакъ эр шейни биле эди. О, адамларнынъ огюне чыкъып, сорады: – Кимни къыдырасыз?

Юхан 18:7

Иса олардан кене сорады: – Кимни къыдырасыз? – Назаретли Исаны, – дедилер олар.

Юхан 3:2

Бу адам бир геджеде Исанынъ алдына келип, Онъа: – Равви! Сен Алладан кельген бир оджа олгъанынъны биз билемиз. Ич кимсе, эгер Алла онен олмаса, Сен косьтерген бельгилерни япалмаз, – деди.

Юхан 3:26

Олар Ягъянынъ алдына барып: – Равви! Сеннен берабер Иордан озенининъ башкъа тарафында олгъан, сен шаатлыкъ берген адам шимди халкъны сувгъа батырып чыкъара, эр кес де Онъа бара, – дедилер.

Юхан 4:31

Шу арада шегиртлери: – Равви, аш ашаса, – деп Исаны чагъырдылар.

Юхан 6:25

Оны гольнинъ о бир тарафында тапып: – Равви, Сен бу ерге не вакъыт кельдинъ? – деп сорадылар.

Фаалиет 10:21

Пётр ашагъа тюшип, адамларгъа: – Сиз къыдыргъан адам меним. Бу ерге насыл себепнен кельдинъиз? – деди.

Фаалиет 10:29

Шунынъ ичюн мени чагъыргъан сонъ, сёз къайтармайып кельдим. Энди айтынъыз, мени не ичюн чагъырдынъыз? – деди.

Рут акъкъында китап 1:16

Рут исе джевап къайтарып: – Сени быракъмагъа ве арткъа къайтмагъа манъа ялварма. Сен къайда кетсенъ, мен де анда кетеджегим, сен къайда яшасанъ, мен де анда яшайджагъым. Сенинъ халкъынъ – меним халкъым оладжакъ, сенинъ Алланъ – меним Аллам оладжакъ.