Юхан 1:21 - Мукъаддес Китап

²¹ Олар ондан: – Ойле олса, сен Ильяс оласынъмы? – деп сорадылар. – Ёкъ, мен о дегилим! – деди о. – Анавы Пейгъамберсинъми? – Ёкъ! – деп джевап берди о.

Юхан 1:21 ပူးပေါင်းရင်းမြစ်များ

Малакий 4:5

РАББИнинъ буюк ве къоркъунчлы куню кельмезден эвель, Мен сизге Ильяс пейгъамберни ёллайджагъым.

Матта 11:14

Эгер бильмеге истесенъиз, Ягъя – къайтып келеджек олгъан Ильястыр.

Матта 16:14

– Базылары Сени Сувгъа Батырыджы Ягъя, башкъалары – Ильяс, дигерлери исе – Йирмея, я да пейгъамберлерден бириси деп саялар, – деди шегиртлер.

Матта 21:11

Халкъ исе: – Бу – Галилеянынъ Назарет шеэринден олгъан Иса пейгъамбер! – деп джевап берди.

Лука 1:17

Ильяснынъ руху ве къудретине толып, Раббиден эвель кетеджек, бабаларнынъ юреклерини балаларына бакътырып, бойсунмагъанларны инсафлы ёлгъа къайтараджакъ, Раббиге яхшы азырландырылгъан халкъны теслим этеджек.

Юхан 1:22

– Ахыр-сонъу, сен кимсинъ? Бизни ёллагъанларгъа джевап бермек керекмиз. Сен озюнъ акъкъынъда не айтасынъ? – деп сорадылар.

Юхан 1:25

Олар Ягъядан: – Эгер сен не Месих, не Ильяс, не Анавы Пейгъамбер олсанъ, не ичюн халкъны сувгъа батырып чыкъарасынъ? – деп сорадылар.

Юхан 6:14

Адамлар, Иса косьтерген бельгини корип: – Керчектен де, бу – дюньягъа келеяткъан Пейгъамбердир, – дедилер.

Юхан 7:40

Халкъ арасындан базылары бу сёзлерни эшитип: – Акъикъатен, бу адам – анавы Пейгъамбердир, – дедилер.