Якъуп 3:18 - Мукъаддес Китап

¹⁸ Тынчлыкъ-аманлыкъ яраткъан адамлар инсафлы берекетни берген урлукъларны тынчлыкънен даркъаталар.

Якъуп 3:18 ပူးပေါင်းရင်းမြစ်များ

Икметли сёзлер 11:18

Яман адамнынъ къазанчы яландыр, акъикъатны сачкъан адам исе ишанчлы мукяфатны джыя.

Икметли сёзлер 11:28

Байлыгъына ишангъан йыкъылыр, инсафлы адамлар исе япракъ киби ешерир.

Икметли сёзлер 11:30

Инсафлы адамнынъ махсулы – омюр терегидир, икметли адам адамларнынъ юреклерини къазана.

Хошеа 10:12

Озьлеринъиз инсафлы ишлер сачынъыз ве ишанчлы севгини джыярсынъыз. Юреклеринъизнинъ къазылмагъан топрагъыны къазынъыз, чюнки РАББИни къыдырмагъа вакъыт кельди. О заман РАББИ кельгенде, сизге акъикъатны ягъдыраджакъ.

Амос 6:12

Атлар къая устюне чапармы? Къаяларны бугъаларнен сюрмеге олурмы? Сизлер исе адалетни зеэрге чевирдинъиз, акъикъат мейвасыны аджджыгъа айландырдынъыз.

Матта 5:9

Не де бахтлыдыр барыштырыджылар. Олар Алланынъ огъуллары дениледжеклер!

Юхан 4:36

Оракъчы иш акъкъыны ала ве эбедий омюр берекетини джыя. Бойледже, сачкъан адам оракъчынен берабер къуваналар.

Галатиядакилерге 6:8

Озь беден истеклерини япкъан адам озь беденинден олюм алыр. Рухнынъ истеклерини япкъан адам исе Рухтан эбедий аятны алыр.

Филиплердекилерге 1:11

эм де, Аллагъа шереф ве шукюр олсун деп, Иса Месихтен кельген инсафлыкъ мейвасына толаджакъсынъыз.

Еудийлерге 12:11

Эр бир тербие озь вакътында къуванч дегиль, къайгъы киби корюне. Амма бир вакъыттан сонъ, тербие алгъанлар барышыкъ ве догърулыкъ берекетини джыялар.

Якъуп 1:20

Ачувлангъан адам Алла истеген инсафлы ишлерни япмаз да.