Узеир 9:14 - Мукъаддес Китап

¹⁴ Бундан сонъ исе кене Сенинъ эмирлеринъни бозаджакъмызмы, шу пис халкъларгъа эвленеджекмизми? Эльбетте, Сен бизге ачувланаджакъсынъ ве бизни ёкъ этеджексинъ! Бир адам сагъ къалмайджакъ, ич кимсе къуртарылмайджакъ.

Узеир 9:14 ပူးပေါင်းရင်းမြစ်များ

Узеир 10:10

Узеир руханий турды да, оларгъа шойле деди: – Сизлер ят апай алып, имансыз шей яптынъыз ве Исраиль къабаатларыны даа да зияде эттинъиз.

Узеир 9:2

оларнынъ къызларыны озюне ве огъулларына апай этип алдылар ве азиз сой урлугъы чешит мемлекетлернинъ халкъларынен къарышты. Бу яман иште башлыкълар ве ёлбашчылар биринджи олдылар.

Узеир 9:8

Энди исе Алламыз РАББИ бизге къыскъа вакъыткъа эйилик япты, бир къачымызны къуртарды, Озь азиз еринде ерлешмеге бизге ёл ачты. Алламыз козьлеримизге ярыкъ берди, бизни къуллукъта бираз джанландырды.

Нехемья 13:18

Бабаларынъыз айны шу шейлерни япмагъан эдими? Шунынъ ичюн Алламыз бизге ве бу шеэрге бутюн шу беляларны ёллады! Сизлер исе раатлыкъ кунюни арамлап, Онынъ Исраильге олгъан гъазабыны чокълаштырасынъыз.

Чыкъыш 23:32

Не оларнен, не аллаларынен анълашма тизменъиз.

Чыкъыш 32:10

Шимди Мени къалдыр. Оларгъа къаршы олгъан ачувым къозгъасын, ве Мен оларны къырып ёкъ этейим, сенден исе улу халкъны асыл этейим.

Ешая 1:9

Ордуларнынъ РАББИси базыларымызны сагъ къалдырмагъан олса, биз де Содом киби олып, Гоморагъа ошар эдик.

Йирмея 44:9

Баба-деделеринъизнинъ яман ишлерини, Ехуда падишаларынынъ ве апайларынынъ яман ишлерини, озьлеринъизнинъ ве апайларынъызнынъ яман ишлерини, Ехуда топрагъында ве Ерусалимнинъ сокъакъларында эткен яманлыкъларынъызны унуттынъызмы?

Йирмея 46:28

– Сен исе, къулум Якъуп, къоркъма, – дей РАББИ. – Мен сеннен! Сени къувалагъан эписи халкъларны ёкъ этеджегим, сени исе бутюнлей ёкъ этмейджегим. Сени адалетнен джезалайджагъым, джезасыз сени къалдырмайджагъым.

Ехезкель 6:8

Амма бир къысмынъызны сагъ къалдыраджагъым. Чешит мемлекетлерде даркъатылгъан, халкъларнынъ арасында яшагъан базыларынъыз къылычтан къуртуладжакъ.

Сайылар 16:21

– Бу джемааттан айырылынъыз. Мен оларны бир ань ичинде ёкъ этерим, – деди.

Сайылар 16:45

– Бу джемааттан узакълашынъыз, оларны бир ань ичинде ёкъ этерим, – деди. Амма олар бетлеринен ерге тюштилер,

Юхан 5:14

Сонъ Иса о адамны Алланынъ Сарайында тапты. – Мына, сен сагъ олдынъ. Энди гуна япма, ёкъса санъа даа да бетер шей оладжакъ, – деди онъа.

Римлилерге 6:1

Айса не айтайыкъ? Эйилик чокълашсын деп, гуна япа берейикми?

Къануннынъ текрары 9:14

Кет огюмден. Мен оларны ёкъ этерим, коклер тюбюнде адынынъ эсирини биле къалдырмайджагъым. Сенден исе олардан кучьлю ве чокъ сайылы миллетни асыл этерим», – деди.

Къануннынъ текрары 9:8

Хоревде сиз РАББИни ойле ачувландырдынъыз ки, О, сизге гъазапланып, сизни ёкъ этмеге якъын эди.

Къадылар 2:2

Сизлер де о ерлернинъ сакинлеринен шартнаме япманъыз, оларнынъ къурбан ерлерини бозып ташланъыз», – дедим. Лякин сиз Меним сёзюмни динълемединъиз. Сизлер не яптынъыз я?