Узеир 9:12 - Мукъаддес Китап

¹² Шунынъ ичюн шимди озь къызларынъызны оларнынъ огъулларына берменъиз, оларнынъ къызларыны озь огъулларынъызгъа апай этип алманъыз. Оларнен барышыкъ тизменъиз ве оларнынъ байлыгъыны ич бир вакъыт истеменъиз! Сонъ сиз кучьлю оладжакъсынъыз, шу топракънынъ яхшы берекетини ашайджакъсынъыз ве топракъны огъулларынъызгъа мирас этип къалдыраджакъсынъыз».

Узеир 9:12 ပူးပေါင်းရင်းမြစ်များ

1 Тарих вакъиалары 28:8

Шимди де, бутюн Исраильнинъ козю огюнде, РАББИнинъ топлашувы огюнде, Алла эшитсин деп, айтам: шу гузель топракъларнынъ саиби олмакъ ичюн, озюнъизден сонъ балаларынъызгъа оны мирас оларакъ эбедиен къалдырмакъ ичюн, Алланъыз РАББИнинъ эписи эмирлерини тутунъыз ве беджеринъиз.

2 Тарих вакъиалары 19:2

Онынъ къаршысына гизли шейлерни бильген Еху, Хананийнинъ огълу чыкъты ве Ехошафат падишагъа: – Санъа, ярамай адамгъа, ярдым этмек керекми? Не ичюн сен РАББИ севмеген кишилерни севесинъ? Шунынъ ичюн РАББИнинъ гъазабы санъа тюше, – деди.

Узеир 9:2

оларнынъ къызларыны озюне ве огъулларына апай этип алдылар ве азиз сой урлугъы чешит мемлекетлернинъ халкъларынен къарышты. Бу яман иште башлыкълар ве ёлбашчылар биринджи олдылар.

Чыкъыш 23:32

Не оларнен, не аллаларынен анълашма тизменъиз.

Икметли сёзлер 13:22

Яхшы адам торунларына къадар мирас къалдыра, гунакярнынъ байлыгъы исе инсафлы адамлар ичюн сакъланып тутула.

Икметли сёзлер 20:7

Инсафлы адам къусурсыз яшай, онынъ огъуллары бахтлыдыр!

Ешая 1:19

Эгер Мени динълемеге истесенъиз, топракънынъ энъ яхшы берекетлери сизинъ оладжакъ.

Къануннынъ текрары 23:6

Омюрбилля, ич бир вакъыт оларнен барышма, аранъыз аман олгъаныны истеме.

Къануннынъ текрары 23:7

Эдомлыларгъа нефрет беслеме, чюнки олар сенинъ сой-сопларынъдыр. Мысырлыларгъа да нефрет беслеме, чюнки сен оларнынъ топрагъында ят олып яшагъансынъ.

Къануннынъ текрары 7:3

Эвленип, оларнынъ сой-соплары олманъыз. Къызларынъызны огъулларына акъайгъа берменъиз, огъулларынъызгъа къызларыны алманъыз.