Узеир 8:28 - Мукъаддес Китап

²⁸ Мен оларгъа бойле дедим: «Сизлер РАББИ огюнде азизсинъиз, бу савутлар да – азизлик, кумюш ве алтын да – бабаларымызнынъ Алламыз РАББИге озь истегинен берильген бахшышлардыр.

Узеир 8:28 ပူးပေါင်းရင်းမြစ်များ

1 Тарих вакъиалары 23:28

Харун огъулларынынъ янында хызмет эте эдилер. Олар РАББИнинъ Эвинде, азбары ве Эвнинъ четиндеки одаларда хызмет эте, азиз шейлерни темизлей ве башкъа хызметлерни беджере эдилер.

1 Тарих вакъиалары 26:20

Оларнынъ къардашлары левийлилер исе Алланынъ Сарайындаки хазинелерни ве айырылып азиз этильген шейлерни къаравуллай эдилер.

2 Тарих вакъиалары 24:14

Ишни битирип, олар падиша ве Ехоядагъа къалгъан кумюшлерни кетирип бердилер. Шу парадан РАББИнинъ Сарайы ичюн савутларны: ибадет савутлары, бутюнлей якъыладжакъ къурбанлар ичюн савутлар, табакълар ве башкъа алтын ве кумюш савутларны яптылар. Ехояданынъ эписи куньлеринде РАББИнинъ Сарайында бутюнлей якъыладжакъ къурбанларны эр вакъыт кетире эдилер.

Узеир 8:27

Булардан башкъа фияты 1 000 алтын пара олгъан 20 дане алтын чанакъ ве алтын киби паалы эки дане ялтырагъан бакъыр чанакъ бердим.

Чыкъыш 35:29

Бойлеликнен, эписи юреклери тарткъан исраилли акъайларнен апайлар, Муса ярдымынен РАББИ япмагъа эмир эткен эр бир ишке, озь истегинен даа чокъ бахшышлар РАББИге кетирдилер.

Ешая 52:11

Кетинъиз, кетинъиз, андан чыкъынъыз! Арамгъа токъунманъыз, арасындан чыкъынъыз, озьлеринъизни элялланъыз, эй, РАББИнинъ савутларыны ташыгъанлар!

Сайылар 7:13

Онынъ бахшышлары булардыр: 1 300 грамм агъырлыгъында бир кумюш чанакъ, 700 грамм агъырлыгъында бир буюк кумюш къаде (оларнынъ чекиси мукъаддес шекель чекисинде эди; ашлыкъ бахшышы ичюн, оларнынъ экиси де зейтюн ягъынен къарыштырылгъан энъ яхшы богъдай унуна толу эдилер);

Къануннынъ текрары 33:8

Левий къабилесине шай деди: – Тум ве Ур алетлери сенинъ инсафлы адамынъдадыр. Сен оны Масса еринде сынадынъ, Мерива сувлары янында онен давалаштынъ.