Узеир 7:12 - Мукъаддес Китап

¹² «Падишаларнынъ падишасы олгъан Артахшастадан Узеир руханийге, коклердеки мукеммель Алласынынъ къануныны огреткен кятипке…» ве иляхре.

Узеир 7:12 ပူးပေါင်းရင်းမြစ်များ

3 Падишалар 20:1

Арамнынъ падишасы Бен-Хадад бутюн ордусыны топлады. Онъа 32 падиша озь атлары ве дженк арабаларынен берабер къошулгъан эди. Бен-Хадад кетип, Самарие шеэрини алкъагъа алды ве онъа къаршы уджюм этти.

3 Падишалар 4:24

Сулейман Тифсахтан Гъазагъа къадар, Фират дерьясынынъ гъарп тарафындаки бутюн топракъларгъа ве озеннинъ гъарп тарафындаки эписи падишаларгъа укюмдарлыкъ япа эди. Эписи къомшу мемлекетлернен тынч-муаббет яшай эди.

Узеир 1:2

– Фарс падишасы Кореш бойле дей: «Коклернинъ Алласы РАББИ ер юзюндеки бутюн падишалыкъларны манъа берди. О, манъа Ехудадаки Ерусалимде Онынъ ичюн Эвни къурмагъа буюрды.

Узеир 4:17

Падиша баш буюрыджы Рехумгъа, Шимшай кятипке, оларнынъ аркъадашларына, Самариеде ве озеннинъ башкъа тарафындаки шеэрлерде яшагъанларгъа шойле джевап къайтарды: «Селям…» ве иляхре.

Узеир 7:1

Бу вакъиалардан сонъ, Фарс падишасы Артахшаста падишалыгъынынъ заманында, Сераянынъ огълу Узеир (Серая – Азарьянынъ огълу, Азарья – Хилкиянынъ огълу,

Узеир 7:11

Мына Артахшаста падиша Узеирге берген мектюпнинъ копиясы. Узеир руханий ве кятип эди ве РАББИ Исраильге берген эмирлерни ве низамнамелерни яхшы биле эди.

Узеир 7:6

Вавилондан чыкъты. О, Исраильнинъ Алласы РАББИ Мусагъа берген къануныны яхшы бильген кятип эди. Онен Алласы РАББИнинъ къолу эди, ве падиша онъа эр бир истеген шейини берди.

Ешая 10:8

– Башлыкъларымнынъ эписи падишалар киби дегиллерми? – дей.

Ехезкель 26:7

РАББИ-ТААЛЯ шойле дей: Бакъынъыз, Мен шимальден Тирге къаршы падишаларнынъ падишасыны, Вавилон падишасы Невукъаднеццарны алып келеджегим, атларны ве дженк арабаларыны, атлыларынен ордусыны ве чокътан-чокъ аскерлерни кетиреджегим.

Даниял 2:37

Сен – падишасынъ, падишаларнынъ падишасысынъ! Коклердеки Алла санъа падишалыкъ, акимиет, къудрет ве шурет берди.

Даниял 2:47

Падиша Даниялгъа: – Сен бу сырны ачып олгъанынъ себебинден, керчектен сизинъ Алланъыз – аллаларнынъ Алласы, падишаларнынъ Раббисидир ве сырларны ачкъан Алладыр! – деди.

1 Тимотейге 6:15

Иса Месихнинъ келювини исе макътавгъа ляйыкъ бирден-бир Укюмдар, падишаларнынъ Падишасы, эфендилернинъ Эфендиси вакъты-саатинде косьтерир.

Сырларнынъ ачылувы 17:14

Олар Къозунен дженк этеджеклер, амма Къозу оларны енъеджек, чюнки Къозу – раббилернинъ Раббиси ве падишаларнынъ Падишасыдыр. Онен берабер олгъанлар – чагъырылгъан ве сайлангъан ишанчлы адамлардыр.

Сырларнынъ ачылувы 19:16

Онынъ урбасы ве баджагъында ойле бир ад язылгъан: «Падишаларнынъ Падишасы ве раббилернинъ Раббиси».