Узеир 6:9 - Мукъаддес Китап

⁹ Коклернинъ Алласына бутюнлей якъыладжакъ къурбанлар ичюн кереги къадар бугъа, къочкъар я да къозулар беринъиз. Булардан да гъайры, Ерусалим руханийлери не къадар богъдай, туз, шарап ве ягъ сорасалар, эр кунь оларгъа токътавсыз берильсин.

Узеир 6:9 ပူးပေါင်းရင်းမြစ်များ

1 Тарих вакъиалары 9:29

Башкъа левийлилер эшьялар ве хызметте керек олгъан башкъа мукъаддес шейлернинъ эписи: индже чекильген ун, шарап, зейтюн ягъы, темиз къара май ве гузель къокъулы шейлер ичюн джевапкяр эдилер.

Узеир 6:10

Олар коклернинъ Алласыны разы этеджек къурбанлар кетирсинлер ве падиша ве онынъ огъулларынынъ сагълыгъы ичюн дувалар окъусынлар.

Узеир 6:8

Мен исе сизге бойле буюрам: Алланынъ Эви къуруджылыгъында шу Ехуда акъсакъалларына ярдым этинъиз, падишанынъ байлыгъындан, озеннинъ о бир тарафындаки виляетте топлангъан бергилерден явашлатмайып керекли шейлер алынъыз ве шу адамларгъа беринъиз, ишлери токътамасын.

Ешая 49:23

Падишалар сизни беслейджек, апайлары сизге даялыкъ этеджек. Бетлеринен ерге тюшип, аякъларынънынъ тозуны ялайджакълар. О заман Мен РАББИ олгъанымны биледжексинъ, Манъа ишангъанлар утанмайджакъ.

Левийлилер 1:10

Эгер адамнынъ къурбаны уфакъ айванлардан олса, о, къойлардан я да эчкилерден олсун. Бутюнлей якъыладжакъ къурбан къусурсыз эркек айван олмакъ керек.

Левийлилер 9:2

Харунгъа бойле деди: – Бугъалардан озюнъе гуна ичюн къурбан оларакъ бир бузавны ве бутюнлей якъыладжакъ къурбан оларакъ бир къочкъарны ал. Оларнынъ экиси де къусурсыз олсун. Оларны РАББИнинъ огюне алып кетир.

Марк 9:49

Эписи, тузнен темизленген къурбан киби, атешнен темизленеджеклер.