Узеир 6:20 - Мукъаддес Китап

²⁰ Руханийлер ве левийлилер элялландылар, бир адам киби темизлендилер. Олар эсирден къайтып кельгенлернинъ эписине, агъа-къардашлары руханийлерге ве озьлерине Песах къурбаныны чалдылар.

Узеир 6:20 ပူးပေါင်းရင်းမြစ်များ

2 Тарих вакъиалары 29:34

Амма руханийлер аз эди, ве олар бутюнлей якъыладжакъ къурбан оларакъ кетирильген айванларнынъ терисини сыдырмагъа етиштиралмай эдилер. Шунынъ ичюн оларнынъ агъа-къардашлары левийлилер оларгъа, иш битмегендже ве башкъа руханийлер элялланмагъандже, ярдым эттилер. Левийлилер озьлерини элялламакъ ишинде руханийлерден даа да яхшы азырлана эдилер.

2 Тарих вакъиалары 35:11

ве Песах къурбаныны чалдылар. Левийлилер къурбан айванларыны сыдырдылар, руханийлер исе оларнынъ къаныны алып, септилер.

2 Тарих вакъиалары 35:14

Сонъ озьлерине ве руханийлерге эт азырладылар. Харун огъуллары руханийлер къаранлыкъ тюшкендже бутюнлей якъыладжакъ къурбанларны чалдылар ве ягъларыны якътылар, шунынъ ичюн левийлилер озьлерине ве Харун огъуллары руханийлерге эт азырладылар.

2 Тарих вакъиалары 35:15

Давутнынъ, Асафнынъ, Хеманнынъ ве падишанынъ гизли шейлерни бильген адамы Едутуннынъ буюргъанларына коре, Асафнынъ огъулларындан олгъан йырджылар ер-еринде къала эдилер. Къапу къаравуллары эр бир къапунынъ янында тура эдилер, озь хызметинден четке чыкъмагъа оларгъа керекмей эди, чюнки оларнынъ агъа-къардашлары левийлилер оларгъа эр шейни азырладылар.

Чыкъыш 12:21

Муса, эписи Исраиль акъсакъалларыны чагъыртып, оларгъа: – Къоранталарынъызгъа коре айванларны сайлап алынъыз ве оларны сойып, Песахны азырланъыз, – деди.

Еудийлерге 7:27

Башкъа баш руханийлер эр кунь башта озь гуналары ичюн, сонъ халкънынъ гуналары ичюн къурбан кетире эди. Исагъа исе буны япмагъа керекмей, чюнки О, адамларнынъ гуналары ичюн къурбан оларакъ Озюни кетирди.