Узеир 6:16 - Мукъаддес Китап

¹⁶ Бундан сонъ Исраиль огъуллары, руханийлер, левийлилер ве эсирден къайтып кельген башкъалары да буюк къуванчнен Алланынъ Сарайыны азиз эттилер.

Узеир 6:16 ပူးပေါင်းရင်းမြစ်များ

3 Падишалар 8:62

Сонъра падиша бутюн Исраиль халкъынен берабер РАББИнинъ огюнде къурбанлар чалдылар.

3 Падишалар 8:63

Сулейман, РАББИге аманлыкъ къурбанлары оларакъ, 22 000 тувар ве 120 000 къой-эчкилерни къурбан чалды, ве, бойле этип, падиша ве Исраиль огъулларынынъ эписи РАББИнинъ Эвини азиз эттилер.

1 Тарих вакъиалары 15:28

Бойле этип, бутюн Исраиль къуванчнен къычырышып, бору, боразан, янъгъырагъан зиллер, арфа ве сантыр чалып, РАББИнинъ Васиет Сандыгъыны алып келе эди.

1 Тарих вакъиалары 9:2

Озь топракъ пайларына, Исраиль шеэрлерине биринджи олып къайткъан исраиллилер эдилер – бу руханийлер, левийлилер ве Алланынъ Сарайында чалышкъан хызметчилер эди.

2 Тарих вакъиалары 29:30

Сонъ Хизкия падиша ве башлыкълар левийлилерге РАББИни Давутнынъ ве гизли шейлерни бильген Асафнынъ сёзлеринен макътамагъа буюрды. Олар да къуванчнен РАББИни макътадылар ве тиз чёкип, ергедже эгильдилер.

2 Тарих вакъиалары 30:23

Бутюн джемаат даа еди кунь байрамны девам этмеге къарар этти ве шу еди кунни буюк къуванчнен кечирдилер.

2 Тарих вакъиалары 30:26

Ерусалимде буюк къуванч бар эди. Исраиль падишасы Давутнынъ огълу Сулейманнынъ заманларындан берли Ерусалимде ойле байрам олмагъан эди.

2 Тарих вакъиалары 7:5

Сулейман падиша 22 000 тувар ве 120 000 къой-эчкилерни къурбан чалды, ве, бойле этип, падиша ве бутюн халкъ Алланынъ Эвини азиз эттилер.

Узеир 4:1

Эсирден къайткъанлар Исраильнинъ Алласына РАББИге Сарай къурмакъта эдилер. Ехуданынъ ве Биньяминнинъ душманлары буны эшиттилер

Узеир 6:22

Еди кунь девамында къуванчнен Маясыз Пишкен Пителер Байрамыны яптылар, чюнки РАББИ оларны къувандырды ве, Алланынъ, Исраиль Алласынынъ Эвини къурмагъа ярдым этмек ичюн, оларгъа Ашшур падишасынынъ юрегини чевирди.

Нехемья 12:27

Ерусалим диварыны багъышлагъанда, левийлилерни эр ерден чагъырттылар ве оларгъа Ерусалимге кельмеге буюрдылар. Олар диварны багъышламагъа, къуванмагъа, шукюрлернен ве макътавларнен йырламагъа ве зиллер, арфа ве сантырда чалмагъа керек эдилер.

Нехемья 12:43

Алла оларгъа буюк къуванч багъышлады, ве о куню олар чокъ къурбанлар кетирдилер ве пек къувандылар. Эм къадынлар ве балалар къувандылар, ве Ерусалимнинъ къуванчы узакъкъа эшитильди.

Нехемья 7:73

Бойлеликнен, руханий ве левийлилер, къапуджы ве йырджылар, халкъ акъайлары ве Сарай хызметчилери, бутюн Исраиль де озь шеэрлеринде яшап башладылар.

Нехемья 8:10

Сонъ Нехемья оларгъа: – Энди барынъыз, энъ яхшы ашлар ашанъыз, татлы ичимликлер ичинъиз, кимнинъ азырлагъан шейи олмаса, оларнен пайлашынъыз. Бу кунь Раббимиз ичюн азиз куньдир! Гъамлы олманъыз! РАББИнинъ огюнде къуванч – сизинъ кучюнъиз, – деди.

Зебур 122:1

Козьлеримни Санъа котердим, эй, Коклерде Отургъан!

Даниял 5:13

О заман Даниял падишанынъ огюне кетирильген эди. Падиша Даниялгъа: – Меним къартбабам падиша Ехуда мемлекетинден сюргюн этильген ве мында кетирильген еудийлерден бири Даниял сенсинъми?

Юхан 10:22

Сонъ Ерусалимге Алланынъ Сарайыны Янъыдан Эляллав Байрамы кельди. Къыш эди.

Къануннынъ текрары 12:7

Анда, РАББИ-Таалянъызнынъ огюнде къоранталарынъызнен берабер ашанъыз ве РАББИ-Таалянъызнынъ сизге берген бахшышларына, озь къолларынъызнен осьтюрген бутюн махсулларынъызгъа шенъленинъиз.

Филиплердекилерге 4:4

Раббиде олып, эр вакъыт къуванынъыз! Даа айтам: къуванынъыз!