Узеир 5:14 - Мукъаддес Китап

¹⁴ Бундан да башкъа, Невукъаднеццар Алланынъ Эвиндеки алтын ве кумюш савутларны Ерусалим Сарайындан алып чыкъкъан ве Вавилон сарайына кетирген эди. Кореш падиша исе бу савутларны Вавилон сарайындан чыкъарды ве оларны сайып, Шешбаццаргъа, озю къойгъан виляет акимине берди

Узеир 5:14 ပူးပေါင်းရင်းမြစ်များ

2 Тарих вакъиалары 36:18

РАББИнинъ Сарайындаки бутюн савутларны, буюги-кучюгини де, РАББИнинъ Сарайындаки къыйметли шейлерни де, падишанынъ ве башлыкъларынынъ байлыкъларыны, – эр бир шейни о, Вавилонгъа алып кетирди.

2 Тарих вакъиалары 36:7

Невукъаднеццар РАББИнинъ Сарайындан базы савутларны чыкъарды, оларны Вавилонгъа кетирди ве Вавилондаки озюнинъ сарайына къойды.

Узеир 5:15

ве онъа шойле деди: ‘Шу савутларны ал да, оларны Ерусалим Сарайына алып бар. Алланынъ Эви озь еринде къурулсын’.

Узеир 5:16

Бойлеликнен, шу Шешбаццар кельди ве Ерусалимдеки Алланынъ Эвине темель къойды. Шу вакъыттан берли о эв къурула ве аля даа къурулып битмегендир”.

Узеир 6:5

Невукъаднеццар Алланынъ Сарайындаки алтын ве кумюш савутларны Ерусалимдеки Сарайдан алып чыкъкъан ве Вавилонгъа кетирген эди. Шимди бу савутлар Ерусалимдеки Сарайгъа, эр бири озь ерине къайтарылсын ве Алланынъ Сарайында къоюлсынлар”».

Узеир 7:27

Бабаларымызнынъ Алласына РАББИге шукюрлер олсун! О, падишанынъ юрегине Ерусалимдеки РАББИнинъ Сарайыны безетмек истегини къойды.

Икметли сёзлер 21:1

Падишанынъ юреги РАББИнинъ элиндедир, акъымдаки сув киби, оны истегени киби чевирир.

Йирмея 52:19

Къаравулларнынъ башлыгъы алтындан ве кумюштен япылгъан легенлер, комюр табакълары, чанакълар, къопкъалар, къандиллер, лотоклар ве мешребелерни алды.

Хагъгъай 1:1

Падиша Дарьявешнинъ падишалыгъынынъ экинджи йылында, алтынджы айнынъ биринджи куню Хагъгъай пейгъамберге РАББИден бойле хабер кельди. О, Ехуда акимине Шеалтиэлнинъ огълу Зеруббавелге ве баш руханийге Ехоцадакънынъ огълу Ехошуагъа шуны айтты:

Хагъгъай 1:14

РАББИ Ехуданынъ акими Шеалтиэл огълу Зеруббавелнинъ рухуны, баш руханий Ехоцадакъ огълу Ехошуанынъ рухуны ве бутюн къалгъан халкънынъ юрегини котерди. Олар келип, озь Алласынынъ, Ордулар РАББИсининъ Эвинде ишни башладылар.

Хагъгъай 2:2

– Ехуданынъ акимине Шеалтиэлнинъ огълу Зеруббавелге, баш руханийге Ехоцадакънынъ огълу Ехошуагъа ве бутюн къалгъан халкъкъа бойле айт:

Хагъгъай 2:21

– Ехуданынъ акимине Зеруббавелге бойле айт: Мен коклерни ве ерни титретеджегим,

Фаалиет 13:12

Аким буны корьди ве Раббининъ огретювине тааджипленип, имангъа кельди.