Узеир 4:20 - Мукъаддес Китап

²⁰ Ерусалим падишалары кучьлю эдилер, озеннинъ о бир тарафындаки бутюн топракъларда падишалыкъ яптылар, ве оларгъа берги, салым ве гумрюк алынмалары тёленди.

Узеир 4:20 ပူးပေါင်းရင်းမြစ်များ

Башланув 15:18

Бу куню РАББИ Ибрамгъа бойле васиет берди: – Мысыр дерьясындан башлап, буюк Фират дерьясынадже бутюн бу ерни сенинъ эвлятларынъа бердим.

3 Падишалар 4:21

Сулейман Фират дерьясындан башлап Фелестин топракъларына къадар, тап Мысыр сынъырларына къадар джайрагъан эписи падишалыкъларда укюмдарлыкъ япа эди. Бу мемлекетлер Сулейманнынъ бутюн омрю девамында онъа бахшышлар кетире ве хызмет эте эдилер.

3 Падишалар 4:24

Сулейман Тифсахтан Гъазагъа къадар, Фират дерьясынынъ гъарп тарафындаки бутюн топракъларгъа ве озеннинъ гъарп тарафындаки эписи падишаларгъа укюмдарлыкъ япа эди. Эписи къомшу мемлекетлернен тынч-муаббет яшай эди.

3 Падишалар 5:1

Сулейманны зейтюн ягъынен ягълап, бабасынынъ ерине падиша эткенлери акъкъында эшитип, Тирнинъ падишасы Хирам онъа хызметкярларыны ёллады. Хирам бутюн омюр Давутнынъ якъын досту эди.

3 Падишалар 5:4

Шимди исе РАББИ-Таалям манъа эр тарафтан тынчлыкъ берди: душманларым да ёкъ, къаза-белялар да ёкъ.

1 Тарих вакъиалары 18:13

Сонъ Эдомда къаравул отрядларыны къойды, ве эписи эдомлылар Давутнынъ къуллары олдылар. Давут къайда бармасын, РАББИ онъа ярдым эте эди.

1 Тарих вакъиалары 18:3

Сонъ Давут Цова падишасы Хададезерни Хаматта енъди. О заман Хададезер Фират дерьясы боюндаки укюмдарлыгъыны пекитмек ичюн кете эди.

1 Тарих вакъиалары 18:6

Сонъ Давут арамлыларнынъ Дамаск шеэринде озь къаравул отрядларыны къойды. Арамлылар Давутнынъ къуллары олдылар ве салым тёледилер. Давут къайда бармасын, РАББИ онъа ярдым эте эди.

1 Тарих вакъиалары 19:19

Хададезернинъ хызметчилери Исраиль тарафындан енъильгенини корип, Давутнен барышыкъ шартнамесини тиздилер ве онъа бойсундылар. Арамлылар исе эндиден сонъ аммонлыларгъа ярдым этмеге истемедилер.

2 Тарих вакъиалары 17:11

Фелестинлилер Ехошафаткъа бахшышлар кетире эдилер ве салымны кумюшнен тёлей эдилер. Араплар биле онъа къой-эчкилерни: 7 700 баш къочкъар ве 7 700 текени кетире эдилер.

2 Тарих вакъиалары 9:14

Ондан гъайры, алыш-веришчилер ве базиргянлар, эм де эписи Арабистан падишалары ве виляетлер башлыкълары Сулеймангъа алтын ве кумюш кетире эдилер.

Узеир 4:13

Падишанынъ даа шундан хабери олсун ки, эгер бу шеэр къурулса, онынъ диварлары гъайрыдан тикленильсе, олар не бергилер, не салымлар, не гумрюк парасыны тёлемейджеклер, ве падишанынъ хазинесине бу, зарар олур.

Узеир 4:16

Шу себептен де падишагъа хабер этемиз, эгер бу шеэр къурулып битсе ве онынъ диварлары тикленсе, сонъра озеннинъ башкъа тарафтаки топракълары сенинъки олмайджакълар».

Узеир 4:19

Меним буюргъаныма коре, къыдырдылар ве буны таптылар: бу шеэр эвель-эзельден падишаларгъа къаршы котерильди, ве анда исьянлар ве къарышыкълар олдылар.

Узеир 4:21

Шимди сизлер бойле эмир беринъиз: ишчилер ишини токътатсынлар, менден башкъа эмир кельмегендже, бу шеэр къурулмасын.

Узеир 7:24

Биз даа буны бильдиремиз: ич бир руханийлерден, левийлилерден, йырджылардан, къапуджылардан, Сарай хызметчилеринден ве Алланынъ Эвинде башкъа хызмет эткенлерден не берги, не салым, не гумрюк парасыны топламасынлар.

Зебур 72:8

Мыскъыллап, ачувнен залымлыкъ даркъаталар, юкъарыдан бакъып, лаф этелер.

Агълав йырлары 1:1

Инсан толу олгъан шеэр бир озю къалды; халкълар арасында буюк олгъан шеэр тул къадын киби олды; виляетлер арасындаки башлыкъ къулгъа чевирильди.

Ехезкель 19:11

Даллары пек къатты эди, падишаларнынъ таягъына ярады. Бол-бол япракъларнынъ устюнде о, юксекке узанды. Юксек боюнен ве бол далларынен корюмли олды.

Матта 9:9

Сонъ ёлуны девам эткен Иса салым топлангъан ерде отургъан бир адамны корьди. Онынъ ады Матта эди. Иса онъа: – Меним артымдан юр! – деди. О, шу ань еринден турып, Исанынъ артындан кетти.