Узеир 4:15 - Мукъаддес Китап

¹⁵ Баба-деделеринънинъ тарих китабыны бакъмагъа буюр, ве шу китапта сен тападжакъсынъ ве биледжексинъ ки, бу шеэр – падишалар ве башкъа виляетлер ичюн зарарлы ве исьянджы шеэрдир. Бу шеэрде эвель-эзельден исьянлар котерильди, шунынъ ичюн де бу шеэр ёкъ этильди.

Узеир 4:15 ပူးပေါင်းရင်းမြစ်များ

4 Падишалар 24:20

РАББИ Ерусалим ве Ехудагъа гъазаплангъаны ичюн, оларны Озюнден ред этти. Цидкия исе Вавилон падишасына къаршы котерильди.

4 Падишалар 25:4

Душман шеэрге сокъулды. Геджеси аскерлернинъ эписи падиша багъчасынынъ янындаки эки дивар арасында араба къапусындан чыкъып къачтылар. Къасдийлилер шеэрнинъ этрафында турса да, падиша Арава ёлунен къачып кетти.

Узеир 4:12

«Падишагъа белли олсун ки, сенден чыкъып, мында Ерусалимге кельген ехудалылар бу исьянджы ве ярамай шеэрни къуралар, диварларыны тиклейлер, оларнынъ темелини энди тюзеттилер.

Узеир 4:14

Бизлер падиша сарайына садыкъ хызмет этемиз ве падишагъа зарар кетирильмесини истемеймиз, шунынъ ичюн биз падишагъа шу мектюпни яздыкъ.

Узеир 4:16

Шу себептен де падишагъа хабер этемиз, эгер бу шеэр къурулып битсе ве онынъ диварлары тикленсе, сонъра озеннинъ башкъа тарафтаки топракълары сенинъки олмайджакълар».

Нехемья 2:19

Хоронлы Санбаллат, аммонлы хызметчи Товья ве арап Гешем устьлеринден кулип ве оларгъа къылынып, шойле дей эдилер: – Бу япкъан ишинъиз насыл иштир? Падишагъа къаршы чыкъмагъа истейсиз, гъалиба?

Нехемья 6:6

Мектюпте шойле язылгъан эди: «Халкълар арасында хабер юре, Гешем де буны айта: сен ве ехудалылар исьян котермеге истей экенсинъиз, диварны да шунынъ ичюн къура экенсинъ. Эшиткениме коре, сен оларнынъ падишасы олмакъ истей экенсинъ.

Эстер 2:23

Иш огренильди, ве лаф догъру олгъаны билинди. Эки везирни исе терекке астылар. Бу вакъиа падишанынъ огюнде куньделик тарих китабына язылгъан эди.