Узеир 3:2 - Мукъаддес Китап

² Ёцадакънынъ огълу Ешуа, онынъ руханий олгъан агъа-къардашлары, Шеалтиэлнинъ огълу Зеруббавел ве онынъ агъа-къардашлары бардылар ве Исраиль Алласынынъ къурбан ерини къурдылар. Анда, Алланынъ адамы Мусанынъ Къанунында язылгъаны киби, къурбанларны бутюнлей якъаджакъ эдилер.

Узеир 3:2 ပူးပေါင်းရင်းမြစ်များ

Башланув 12:7

РАББИ Ибрамгъа келип: – Бу ерни сенинъ эвлятларынъа береджегим, – деди. Алдында пейда олгъан РАББИге Ибрам къурбан ерини къурды.

1 Тарих вакъиалары 23:14

Алланынъ адамы Муса ве онынъ огъуллары Левий къабилесинен эсапланды.

1 Тарих вакъиалары 3:17

Эсир олгъан Еконьянынъ огъуллары: Шеалтиэл,

1 Тарих вакъиалары 3:19

Педаянынъ огъуллары Зеруббавел ве Шимий. Зеруббавелнинъ Мешуллам ве Хананья огъуллары бар эди. Шеломит оларнынъ къызкъардашы эди.

2 Тарих вакъиалары 6:6

Амма Меним Намым анда булунсын деп, Ерусалимни сайладым, ве Меним халкъым Исраильни идаре этсин деп, Давутны сайладым».

Узеир 10:18

Шу ачылды: руханийлернинъ огъулларындан ят апайларгъа эвленгенлер шулардыр: Ёцадакънынъ огълу Ешуанынъ огъулларындан ве онынъ агъа-къардашларындан – Маасея, Элиэзер, Ярив ве Гедалья.

Узеир 10:20

Иммернинъ огъулларындан – Хананий ве Зевадья;

Узеир 10:21

Харимнинъ огъулларындан – Маасея, Элия, Шемая, Ехиэл ве Уззия;

Узеир 10:22

Пашхурнынъ огъулларындан – Эльёэнай, Маасея, Исмаил, Нетанэл, Ёзавад ве Эласа;

Узеир 2:2

Олар Зеруббавел, Ешуа, Нехемья, Серая, Реелая, Мордекъай, Билшан, Миспар, Бигвай, Рехум ве Баананен берабер къайтып кельдилер. Исраиль халкъындан акъайларнынъ сайысы бойле эди:

Узеир 3:8

Ерусалимге, Алланынъ Сарайына кельгенден сонъ, экинджи йылынынъ экинджи айында Шеалтиэлнинъ огълу Зеруббавел ве Ёцадакънынъ огълу Ешуа, оларнынъ башкъа агъа-къардашлары, руханийлер ве левийлилер, эсирликтен Ерусалимге къайтып кельгенлернинъ эписи ишни башладылар ве РАББИнинъ Сарайындаки ишлерни бакъмагъа йигирми яштан буюк олгъан левийлилерни къойдылар.

Узеир 5:2

Бундан сонъ Шеалтиэлнинъ огълу Зеруббавел ве Ёцадакънынъ огълу Ешуа барып, Ерусалимдеки Алланынъ Эвини кене къурып башладылар. Алланынъ пейгъамберлери оларнен берабер олып, оларгъа ярдым эте эдилер.

Нехемья 12:1

Шеалтиэлнинъ огълу Зеруббавелнен ве Ешуанен кельген руханийлер ве левийлилер шулардыр: Серая, Йирмея, Эзра,

Нехемья 12:8

Левийлилер: Ешуа, Биннуй, Къадмиэл, Шеревья, Ехуда, Маттанья ве онынъ къардашлары (Маттанья макътав йырлары ичюн джевапкяр эди),

Чыкъыш 27:1

Акация терегинден дёрткоше къурбан ерини яп. Узунлыгъынен кенълиги эки бучукъ метр олсун, юксеклиги бир бучукъ метр олсун.

Хагъгъай 1:1

Падиша Дарьявешнинъ падишалыгъынынъ экинджи йылында, алтынджы айнынъ биринджи куню Хагъгъай пейгъамберге РАББИден бойле хабер кельди. О, Ехуда акимине Шеалтиэлнинъ огълу Зеруббавелге ве баш руханийге Ехоцадакънынъ огълу Ехошуагъа шуны айтты:

Хагъгъай 1:12

Шеалтиэлнинъ огълу Зеруббавел, баш руханий Ехоцадакънынъ огълу Ехошуа ве бутюн къалгъан халкъ Алласы РАББИнинъ сёзлерини ве Алласы РАББИ ёллагъан Хагъгъай пейгъамбернинъ сёзлерини динъледилер. Халкъ РАББИден къоркъып башлады.

Хагъгъай 1:14

РАББИ Ехуданынъ акими Шеалтиэл огълу Зеруббавелнинъ рухуны, баш руханий Ехоцадакъ огълу Ехошуанынъ рухуны ве бутюн къалгъан халкънынъ юрегини котерди. Олар келип, озь Алласынынъ, Ордулар РАББИсининъ Эвинде ишни башладылар.

Хагъгъай 2:21

– Ехуданынъ акимине Зеруббавелге бойле айт: Мен коклерни ве ерни титретеджегим,

Хагъгъай 2:23

Шу куню, – дей Ордуларнынъ РАББИси, – Мен сени, къулумны, Шеалтиэлнинъ огълу Зеруббавелни алып кетиреджегим ве, сени сайлап алгъаным ичюн, сени Озюме юзюк-нишан япаджагъым. Бу – Ордулар РАББИсининъ сёзлеридир.

Зекерья 3:1

РАББИ манъа Мелегининъ огюнде тургъан баш руханий Ехошуаны ве оны къабаатламакъ ичюн сагъ тарафында тургъан Къабаатлайыджыны косьтерди.

Зекерья 3:8

Эй, баш руханий Ехошуа, сен ве огюнъдеки, мында олгъанлары яхшы бельги олгъан аркъадашлар, динъленъиз! Бакъынъыз, Мен «Пытакъ» къулумны алып кетирем.

Зекерья 6:11

Олардан кумюш ве алтын ал да, таджлар яп ве Ехоцадакънынъ огълунынъ, баш руханий Ехошуанынъ башына къой.

Сайылар 28:2

– Исраиль огъулларына бойле буюр, оларгъа бойле айт: Мукъайт олунъыз ве Меним бахшышларымны, Манъа хош къокъу чыкъармакъ ичюн атеште якъыладжакъ бахшыш оларакъ кетирген ашлыкъ бахшышларымны озь вакътында кетиринъиз.

Лука 3:27

Ёда – Ёананнынъ огълу, Ёанан – Ресанынъ огълу, Реса – Зеруббавелнинъ огълу, Зеруббавел – Шеалтиэлнинъ огълу, Шеалтиэл – Нерийнинъ огълу,

Къадылар 6:24

Шу ерде Гидон РАББИге къурбан ерини къурды ве шу къурбан ерине Яхве-Шалом деген ад къойды. О шимдигедже Авиэзер союнынъ Офра ериндедир.