Узеир 3:10 - Мукъаддес Китап

¹⁰ Къуруджылар РАББИнинъ Сарайына темель къойгъан сонъ, Исраиль падишасы Давутнынъ буюргъанына коре РАББИни макътамакъ ичюн, озь кийимлерини кийген руханийлер боразанларнен къоюлды ве Асаф огъуллары левийлилер зильнен къоюлды.

Узеир 3:10 ပူးပေါင်းရင်းမြစ်များ

1 Тарих вакъиалары 15:24

Руханийлер Шеванья, Ёшафат, Нетанэл, Амасай, Зекъарья, Беная ве Элиэзер Алланынъ Сандыгъы огюнде кетип, боразан чала эдилер. Овед-Эдом ве Ехия Сандыкъны къаравулладылар.

1 Тарих вакъиалары 15:27

Давут индже ишленген кетенден урба кийген эди. Сандыкъны ташыгъан левийлилер, йырджылар ве чалгъыджыларнынъ ве йырджыларнынъ башлыгъы Кенанья да индже ишленген кетенден урбалар кийген эди. Давутнынъ устюнде даа кетен эфод бар эди.

1 Тарих вакъиалары 16:37

Давут РАББИнинъ Васиет Сандыгъы огюнде, эр вакъыт Сандыкънынъ янында хызмет этсинлер деп, Асафны ве онынъ къардашларыны къалдырды.

1 Тарих вакъиалары 16:42

Хеман ве Едутун оларнен берабер эди. Олар, РАББИни шуретлемек ичюн керек олгъан боразан, зиллер ве башкъа чалгъы алетлерине джевапкяр эдилер. Едутуннынъ огъуллары исе къапуджылар эдилер.

1 Тарих вакъиалары 23:5

4 000 къапуджы олмакъ керек эди, ве 4 000 адам Давут яптыргъан чалгъы алетлеринде чалып, РАББИни шерефлемек керек эди.

1 Тарих вакъиалары 25:25

Он секизинджиси Хананийге, огъуллары ве къардашларына чыкъты. Он эки киши.

2 Тарих вакъиалары 35:14

Сонъ озьлерине ве руханийлерге эт азырладылар. Харун огъуллары руханийлер къаранлыкъ тюшкендже бутюнлей якъыладжакъ къурбанларны чалдылар ве ягъларыны якътылар, шунынъ ичюн левийлилер озьлерине ве Харун огъуллары руханийлерге эт азырладылар.

2 Тарих вакъиалары 35:15

Давутнынъ, Асафнынъ, Хеманнынъ ве падишанынъ гизли шейлерни бильген адамы Едутуннынъ буюргъанларына коре, Асафнынъ огъулларындан олгъан йырджылар ер-еринде къала эдилер. Къапу къаравуллары эр бир къапунынъ янында тура эдилер, озь хызметинден четке чыкъмагъа оларгъа керекмей эди, чюнки оларнынъ агъа-къардашлары левийлилер оларгъа эр шейни азырладылар.

2 Тарих вакъиалары 5:12

Левийли йырджыларынынъ да эписи: Асаф, Хеман, Едутун, оларнынъ огъуллары ве къардашлары, индже кетенден япылгъан урбалар кийип, зиллер, арфа ве сантырларнен къурбан ерининъ шаркъ тарафында тура эдилер, оларнынъ янында 120 руханий боразан чала эди.

Узеир 2:41

Йырджылар: Асаф огъуллары – 128.

Узеир 5:16

Бойлеликнен, шу Шешбаццар кельди ве Ерусалимдеки Алланынъ Эвине темель къойды. Шу вакъыттан берли о эв къурула ве аля даа къурулып битмегендир”.

Зебур 150:5

Давушлы зиллернен Оны макътанъыз! Янъгъыравукъ зиллернен Оны макътанъыз!

Хагъгъай 2:15

– Шимди эвельки заманны, бу куньгедже не олгъаныны акъылгъа кетиринъиз. РАББИнинъ Сарайында даа таш устюне таш къоюлмагъан вакъыт акъкъында тюшюнинъиз.

Зекерья 4:10

Бу кунни ким уфакъ деп саяр? Зеруббавелнинъ къолундаки ташкъа ве къуруджылыкъ саркъмасына бу еди козь къуванчнен бакъа. (Олар бутюн ер юзюни корьген РАББИнинъ козьлеридир.)

Зекерья 4:6

О заман о манъа бойле деди: – Бу – РАББИнинъ Зеруббавелге айткъан сёзю: «Къудретнен ве кучьнен дегиль, амма Меним Рухумнен ишинъни беджереджексинъ». Ордуларнынъ РАББИси бойле дей.

Зекерья 4:7

Эй, буюк дагъ, Зеруббавелнинъ огюнде сен ким оласынъ? Сен – тегиз ерсинъ. Шамата ичинде о, Сарайнынъ темельташыны алып кетиреджек, ве джемаат: «Алла разы олсун! Алла разы олсун!» – деп къычыраджакъ.

Зекерья 6:12

Онъа бойле айт: Ордуларнынъ РАББИси бойле дей: Мына, бу адам – Онынъ Ады «Пытакъ». О тамырындан филис киби оседжек ве РАББИнинъ Сарайыны къураджакъ.

Зекерья 7:3

ве Ордуларнынъ РАББИси Эвинде хызмет эткен руханийлерден ве пейгъамберлерден: «Чокъ йыллар ичинде япкъаным киби, бешинджи айда да аштан-сувдан вазгечмеге ве агъламагъа бизге керекми?» – деп сорамагъа ёлладылар.

1 Падишалар 22:18

Падиша Доэгге: – Сен бар, руханийлерни ольдюр, – деди. Эдомлы Доэг кетип, руханийлерге атылды ве шу куню кетен эфод кийген сексен беш адамны ольдюрди.