Узеир 2:1 - Мукъаддес Китап

¹ Вавилон падишасы Невукъаднеццар Вавилонгъа сюргюн эткен ерлерден чыкъкъан, Ерусалимге ве Ехудагъа, эр бири озь шеэрине къайткъан виляет адамлары будыр.

Узеир 2:1 ပူးပေါင်းရင်းမြစ်များ

4 Падишалар 25:11

Сонъ къаравулларнынъ башлыгъы Невузарадан шеэрде къалгъан халкъны да, Вавилон падишасы тарафына кечкен адамларны да, башкъа къалгъан адий халкъны да шеэрден сюргюн этти.

1 Тарих вакъиалары 9:1

Бойлеликнен, бутюн исраиллилернинъ несиллери джедвельде ве даа Исраиль падишаларынынъ китабында язылгъан эдилер. Ехудалылар исе Къанунны бозгъан ишлери ичюн Вавилонгъа сюргюн этильген эдилер.

1 Тарих вакъиалары 9:2

Озь топракъ пайларына, Исраиль шеэрлерине биринджи олып къайткъан исраиллилер эдилер – бу руханийлер, левийлилер ве Алланынъ Сарайында чалышкъан хызметчилер эди.

Узеир 1:11

Эписи оларакъ алтын ве кумюш савутларнынъ сайысы 5 400. Сюргюн этильгенлер Вавилондан Ерусалимге кочип кеткенде, Шешбаццар буларнынъ эписини алып кетирди.

Узеир 2:2

Олар Зеруббавел, Ешуа, Нехемья, Серая, Реелая, Мордекъай, Билшан, Миспар, Бигвай, Рехум ве Баананен берабер къайтып кельдилер. Исраиль халкъындан акъайларнынъ сайысы бойле эди:

Узеир 2:70

Руханийлер ве левийлилер, халкъ ве йырджылар, къапуджылар ве Сарай хызметчилери озь шеэрлеринде яшап башладылар, исраиллилернинъ эписи озь шеэрлеринде яшамагъа башлады.

Узеир 5:8

Падишагъа белли олсун ки, биз Ехуда виляетине, улу Алланынъ Эвине баргъан эдик. Эв буюк ташлардан къурула, диварларына тереклер къоюла. Къуруджылыкъ ишлери гъайретнен япыла ве онъ келелер.

Узеир 6:2

Экбатана шеэринде, Мадай виляетиндеки сарайда бир бургъу тапылды. Ичинде шойле язылгъан эди: «Хатыра оларакъ.

Узеир 8:35

Бундан сонъ эсирден къайтып кельгенлер Исраильнинъ Алласына, бутюн Исраиль ичюн, бутюнлей якъыладжакъ къурбан оларакъ – 12 бугъа, 96 къочкъар ве 77 къозу, ве гуна ичюн къурбан оларакъ – 12 теке алып кетирдилер. Буларнынъ эписи РАББИге бутюнлей якъыладжакъ къурбан олды.

Нехемья 12:1

Шеалтиэлнинъ огълу Зеруббавелнен ве Ешуанен кельген руханийлер ве левийлилер шулардыр: Серая, Йирмея, Эзра,

Эстер 1:1

Бу, Ахашверошнынъ куньлеринде олды. Шу Ахашверош Индистандан Хушкъадже 127 виляетке падишалыкъ япа эди.

Эстер 1:11

Вашти къыраличени, башында къыраличе таджынен, онъа алып кельмеге буюрды. Падиша халкъларгъа ве башлыкъларына онынъ не къадар дюльбер олгъаныны косьтермеге истеди. О, керчектен де пек дюльбер эди.

Эстер 1:3

Падишалыгъынынъ учюнджи йылында о, бутюн башлыкълары ве хызметчилери ичюн, фарслы ве мадайлы орду башлыкълары ве мырзалары, эм де озь янындаки виляетлерининъ башлыкълары ичюн байрам япты.

Эстер 1:8

Ичимликлер алтын ве чешит тюрлю савутларда бериле эди. Падишанынъ шараплары, онынъ байлыгъы киби, пек чокъ эди. Кимсе мусафирлерни къабул этильген къанунгъа коре ичмеге зорламай эди, чюнки падиша бутюн эвдеки хызметчилерине эр кеснинъ истеклерини беджермеге буюрды.

Эстер 8:9

О вакъыт учюнджи айнынъ, яни Сиван айынынъ 23-юнджи куню падишанынъ кятиплерини чагъырдылар. Олар ехудалыларгъа, акимлерге, башлыкъларгъа ве Индистандан Хушкъадже 127 виляеттеки виляет башлыкъларына Мордекъайнынъ эр буюргъанларыны яздылар. Эр виляет ичюн озь языларынен, эр халкъ ичюн озь тилинен яздылар. Ехудалыларгъа да оларнынъ озь язысында ве озь тилинде яздылар.

Ешая 48:20

Вавилондан чыкъынъыз, къасдийлилерден къачынъыз, къуванчнен къычырып хабер этинъиз, буны дюньянынъ кенарларына бильдиринъиз; «РАББИ Озь къулуны Якъупны сатын алып къуртарды», – айтынъыз.

Йирмея 50:19

Исраильни отлагъына къайтараджагъым, ве о, Къармел дагъларында ве Башан еринде отлайджакъ. Эфраим ве Гилад дагъларында джаныны тойдураджакъ.

Агълав йырлары 1:3

Ехуда беля ве агъыр къуллукъ ичинде сюргюнликке огърады; халкълар арасында отура, раатлыкъ ерини тапамай; сыкъынты вакътында оны къувалагъанлар артына етти.

Агълав йырлары 1:5

Оны чекиштиргенлер башлыкъларына чевирильди, душманлары раат олды; яман япкъанлары чокъ олгъаны ичюн, РАББИ башына беля тюшюрди; душманларынынъ огюнде балалары сюргюнлик этильди.

Агълав йырлары 4:22

Эй, Сион къызы! Гуналарынъ ичюн джеза битти, Рабби сени бир даа сюргюн этмейджек. Эдом къызы исе! Къабаатларынъ ичюн Рабби сени джезалайджакъ, гуналарынъны мейдангъа чыкъараджакъ.

Цефанья 2:7

Бу виляет Ехуда халкъындан къалгъанларгъа къаладжакъ. Олар анда къойларыны отлатаджакъ, акъшамлары Ашкелон эвлеринде раатланаджакъ. РАББИ, оларнынъ Алласы оларны бакъаджакъ, сюргюн этильгенлерни арткъа алып кетиреджек.

Фаалиет 23:34

Аким мектюпни окъуп, Павелден къайсы виляеттен олгъаныны сорады. Киликиядан олгъаныны билип, онъа: