Узеир 10:14 - Мукъаддес Китап

¹⁴ Башлыкъларымыз бутюн джемаат адындан арекет этсинлер, ве шеэрлеримиздеки ябанджы апай алгъанларнынъ эр бири бельгиленген вакъытта кельсин. Оларнен берабер эр бир шеэрнинъ башлыкълары ве къадылары кельсинлер. Алламызнынъ алевли гъазабы бизден кетмегендже, бойле япылсын.

Узеир 10:14 ပူးပေါင်းရင်းမြစ်များ

4 Падишалар 23:26

Лякин РАББИнинъ буюк гъазабы эксильмеди. О, Ехудагъа пек ачувлы эди, чюнки Менашше Оны гъазапландыргъан чокъ шей япкъан эди.

2 Тарих вакъиалары 28:11

Шимди мени динъленъиз. Сиз туткъан агъа-къардашларынъызны къайтарынъыз. Сизлерге къаршы РАББИнинъ гъазап атеши алевленди.

2 Тарих вакъиалары 29:10

Шунынъ ичюн мен, РАББИ бизге къаршы олгъан атешли ачувыны ятыштырсын деп, Исраильнинъ Алласы РАББИнен мукъавеле япмагъа истейим.

2 Тарих вакъиалары 30:8

Бабаларынъызгъа ошап, энъсеси къаткъанлар киби олманъыз. РАББИге боюн эгинъиз, Онынъ омюрбилля азиз эткен Мукъаддес Ерине келинъиз, Алланъыз РАББИге хызмет этинъиз, ве Онынъ гъазап атеши сизлерден узакълашыр.

Узеир 10:13

Амма халкъ чокъ, ягъмур да ягъып тура. Тышарыда турмагъа чаремиз ёкъ. Эм де бу, бир-эки куньлюк иш дегиль, бунда бизим гуналарымыз чокъ.

Узеир 10:15

Тек Асаэлнинъ огълу Ёнатан ве Тикванынъ огълу Яхзея бунъа къаршы чыкътылар, ве Мешуллам ве левийли Шаббетай оларгъа къол туттылар.

Ешая 12:1

О куню бойле дейджексинъ: – Я РАББИ! Санъа шукюрлер олсун! Сен манъа ачувлана эдинъ, амма ачувынъ ятышып, юрегимни алдынъ.

Сайылар 25:4

РАББИ Мусагъа: – Халкънынъ эписи башлыкъларыны ал да, куньдюз оларны Меним огюмде ас. О вакъыт Исраильге къаршы олгъан РАББИнинъ гъазабы ятышыр, – деди.

Къануннынъ текрары 13:17

Айырылып, бутюнлей ёкъ этиледжек шейлерден ич бирини алма. Сонъ РАББИнинъ гъазабы тынчланыр, ве О, санъа мерамет косьтерип, сени аджыр ве баба-деделеринъе ант эткени киби, сени чокълаштырыр.

Къануннынъ текрары 17:9

Левийли руханийлерге ве о заман олгъан къадыгъа барып, олардан меселенинъ чезювини сора. Олар санъа меселе акъкъында укюм чыкъараджакълар.

Нун огълу Ехошуа 7:26

Акъаннынъ устюне атып буюк таш обасыны обаладылар. Оба бу куньге къадар сакъланып къалды. Бундан сонъ РАББИнинъ гъазабы ятышты. О ер бу куньге къадар Акъор вадийи деп адлана.