Цефанья 2:8 - Мукъаддес Китап

⁸ Мен Моавнынъ сёгюшлерини, Аммон огъулларынынъ куфюр сёзлерини эшиттим. Олар Меним халкъымны мыскъылладылар, халкъымнынъ топракъларында къопайдылар.

Цефанья 2:8 ပူးပေါင်းရင်းမြစ်များ

Башланув 19:37

Буюги огълан бала тапты ве онынъ адыны Моав къойды. О, бу куньгедже моавлыларнынъ бабасы-дедесидир.

Башланув 19:38

Кичиги де огълан бала тапты ве онынъ адыны Бен-Амми къойды. О, бу куньгедже аммонлыларнынъ бабасы-дедесидир.

Ешая 15:1

Моав акъкъында пейгъамберлик: – Ар-Моав шеэри бир геджеде йыкъылды, харап этильди! Кир-Моав шеэри бир геджеде йыкъылды, харап этильди!

Ешая 16:6

– Моавнынъ макътангъаныны, пек къопай, гъурурлы, кибирли ве магърур айткъанларыны эшиттик. Айткъанлары исе бошуна!

Йирмея 12:14

РАББИ бойле дей: – Исраиль халкъыма берильген топрагъына уджюм эткен эписи яман къомшуларымны топрагъындан къувалайджагъым, Ехуда халкъыны да араларындан чыкъараджагъым.

Йирмея 48:1

Ордуларнынъ РАББИси, Исраильнинъ Алласы, Моав акъкъында бойле дей: – Вай-вай-вай, Нево шеэри! О харап этильди! Кирьятаим шеэри запт этилип, масхара олды, къалеси йыкъылып, масхара олды.

Йирмея 49:1

Аммон огъуллары акъкъында РАББИ бойле дей: – Исраильнинъ огъуллары ёкъмы, аджеба? Ёкъмы мирасчысы? Ойле олса, не ичюн Милкъом алласы Гъад топрагъыны запт этти? Не ичюн онъа ибадет эткенлер Гъаднынъ шеэрлеринде яшай?

Агълав йырлары 3:61

Я РАББИ, оларнынъ мыскъылларыны эшиттинъ, манъа къаршы къара ниетлерини бильдинъ;

Ехезкель 21:28

Сен исе, инсан огълу, пейгъамберлик эт де, айт: РАББИ-ТААЛЯ аммонлылар акъкъында ве оларнынъ акъаретлери акъкъында шойле дей: Къылыч, къылыч соймакъ ичюн къынындан чыкъарылгъан, ёкъ этмек ичюн темизленип, яшын киби парылдай!

Ехезкель 25:1

РАББИ манъа шойле деди:

Ехезкель 35:12

О заман сен билирсинъ ки, Мен, РАББИ, сенинъ Исраиль дагъларыны насыл мыскъыллагъанынъны, сенинъ: «Олар бакъымсыз олды, бизге ашамагъа берильдилер!» – айткъанынъны эшиттим.

Ехезкель 36:2

РАББИ-ТААЛЯ шойле дей: Душманлар сизинъ акъкъынъызда: «Аха! Эбедий тёпелер энди бизимки олды», – деди.

Амос 1:13

РАББИ бойле дей: – Гуна устюне гуна къазангъанлары ичюн, аммонлыларны мытлакъа джезалайджагъым. Чюнки олар, озь мемлекетине башкъа топракъларны къошмакъ ичюн, Гиладда юклю къадынларнынъ къурсакъларыны яра эди.

Амос 2:1

РАББИ бойле дей: – Гуна устюне гуна къазангъанлары ичюн, моавлыларны мытлакъа джезалайджагъым. Чюнки олар Эдом падишасынынъ кемиклерини якъты, кулюни сылавгъа къошты.

Цефанья 2:10

Шу, оларнынъ башларына къопайлыгъы ичюн тюшеджек, чюнки олар Ордулар РАББИсининъ халкъыны мыскъылладылар ве акъаретледилер.

Нун огълу Ехошуа 5:9

РАББИ Ехошуагъа: – Бугунь Мен устюнъизден Мысыр масхаралыгъыны алып ташладым, – деди. Онынъ ичюн о ер бу куньге къадар Гилгал деп адлана.