Цефанья 2:14 - Мукъаддес Китап

¹⁴ О ерлерде сюрюлер раатланаджакъ, чешит тюрлю кийик айванлар ятаджакъ. Пугъулар ве кирпилер шеэр диреклерининъ капителлеринде къонаджакъ, пенджерелеринден оларнынъ сеслери эшитиледжек, босагъалар оба-оба чёплюкке толаджакъ, къапуларнынъ кедр къаплары ёкъ оладжакъ.

Цефанья 2:14 ပူးပေါင်းရင်းမြစ်များ

Зебур 102:6

РАББИ догъру арекет эте, бутюн эзильгенлерни адалетли укюм эте.

Ешая 14:23

– Онынъ топрагъыны кирпилерге береджегим, батакълыкъкъа чевиреджегим, орталыкъны йыкъаджагъым, сипиркинен киби сипиреджегим, – дей Ордуларнынъ РАББИси.

Йирмея 22:14

«Озюме балабан бир эв, бол-сал юкъары одалар япаджагъым» дегеннинъ башына беля! Эвинде пенджерелер ачар, кедр агъачынен къаплар, къырмызы боянен боялар.

Амос 9:1

Мен Раббининъ къурбан ери янында тургъаныны корьдим. О, бойле деди: – Колонналарнынъ башларына ур, къапу башы сарсылсын, тёпеси адамларнынъ башына тюшсюн. Сагъ къалгъанларны исе Мен къылычнен ольдюреджегим. Оларнынъ кимсеси къачып оламайджакъ, къуртулмагъа истегенлери де къуртулмайджакъ.

Цефанья 2:6

Денъиз боюндаки виляет къой отлаткъан яйла ве къой-эчкилер ичюн къош оладжакъ.

Сырларнынъ ачылувы 18:2

О, кучьлю бир сеснен багъырып: – Ёкъ этильди! Буюк Вавилон ёкъ этильди! О, шейтанларнынъ эви, эр тюрлю арам рухнынъ сакълангъан ери, эр бир арам къушнынъ ювасы, эр тюрлю арам ве игренч айванларнынъ къобасы олды.