Цефанья 1:4 - Мукъаддес Китап

⁴ – Мен Ехудагъа ве Ерусалимде яшагъанларгъа къаршы чыкъаджагъым ве шу ерде Баалгъа ибадет ерининъ изини биле къалдырмайджагъым, путларгъа табынгъан руханийлернинъ адларыны да силеджегим.

Цефанья 1:4 ပူးပေါင်းရင်းမြစ်များ

4 Падишалар 21:13

Самариени ве Ахавнынъ союны насыл ёкъ эткен олсам, Ерусалимни де бойле ёкъ этеджегим. Чанакъны насыл ичинден-тышындан темизлеп сюртелер, Ерусалимни де ойле сюртерим.

4 Падишалар 23:12

Падиша Ехуда падишалары япкъан Ахаз эвининъ юкъары одасынынъ дамындаки къурбан ерлерини ве РАББИнинъ Сарайы эки азбарында Менашше тарафындан япылгъан къурбан ерлерини йыкътырды. Оларны къырып, тозуны Кидрон вадийине септи.

2 Тарих вакъиалары 34:4

Ёшиянынъ козю огюнде Баалларнынъ къурбан ерлерини бозып ташладылар, оларнынъ устюнде тургъан къокъулы отларны якъмакъ ичюн ерлерини де парчаладылар. О, Ашера путуна табынма диреклерини балталады, агъачтан я да иритильген маденден япылгъан путларны исе парчалап эзди, сонъ тозуны оларгъа къурбанлар кетиргенлернинъ къабирлерине септи.

Чыкъыш 15:12

Сен онъ къолунъны узаттынъ – оларны ер ютты.

Йирмея 15:6

Сен Мени ташлап кеттинъ, – дей РАББИ, – Манъа аркъанъны чевирдинъ. Мен къолумны санъа къаршы котерип, сени гъайып этеджегим. Сени аджымакътан ёрулдым.

Йирмея 6:12

Эвлери, тарлалары ве апайлары башкъаларнынъ къолуна кечеджек. Къолумны мемлекетте яшагъанларгъа къаршы узатаджагъым, – дей РАББИ.

Ехезкель 25:7

Шунынъ ичюн Мен санъа къаршы къолумны котерип, башкъа халкъларгъа сени чайпамагъа ёл ачаджагъым. Сени халкълар арасындан ёкъ этеджегим, мемлекетлер арасындан чыкъарып ташлайджагъым, бутюнлей сени гъайып этеджегим. О заман Мен – РАББИ олгъанымны билирсинъ».

Ехезкель 6:14

Оларгъа къаршы къолумны узатып, сахрадан Ривлагъадже къадар эписи яшагъан ерлерни къоркъунчлы харап этеджегим, бом-бош этеджегим. О заман Мен РАББИ олгъанымны биледжеклер!

Хошеа 10:5

Самариеде яшагъанлар Бет-Авендеки бузавнен олгъаныны корип къоркъаджакъ. Халкъ онынъ артындан зар чекеджек. Онъа къуванчнен ибадет эткен руханийлер шурети ондан айырылгъаны ичюн агълайджакъ.

Микъа 5:13

Мен сенинъ путларынъны, сен табынгъан таш путларынъны къырып ташлайджагъым. Бир даа къолларынънен япылгъан путларгъа табынмайджакъсынъ.

Цефанья 2:11

РАББИ оларнынъ эписи аллаларыны ёкъ этип, олар ичюн пек къоркъунчлы оладжакъ. Бутюн дюньяда эр бир халкъ, эр бири озь еринде Онъа ибадет этеджек.

Цефанья 2:13

Сонъ О, шимальге къаршы чыкъаджакъ ве Ашшурны ёкъ этеджек, Ниневе шеэрини бакъымсыз топракъкъа чевиреджек, оны сахра киби къурутаджакъ.