Цефанья 1:13 - Мукъаддес Китап

¹³ Оларнынъ зенгинлиги тартып алынаджакъ, оларнынъ эвлери бакъымсыз къаладжакъ. Олар эвлер къураджакъ да, эвлеринде яшамайджакълар. Юзюм багъчаларыны сачаджакъ да, шарабыны ичмейджеклер.

Цефанья 1:13 ပူးပေါင်းရင်းမြစ်များ

Ешая 6:11

– Я Рабби, бу не къадар вакъыт сюреджек? – деп сорадым. РАББИ бойле джевап берди: – Шеэрлер бошап, бакъымсыз къаладжакъ; эвлер адамсыз къаладжакъ; бутюн топракъ бом-бош оладжакъ.

Йирмея 15:13

Япкъан гуналарынъ ичюн бутюн мемлекетинъ бою сени чайпайджакълар, байлыкънен хазинелеринъни ич одемесиз аладжакълар.

Йирмея 17:3

Мемлекеттеки дагъымны, мал-мулькюнъни, бутюн байлыгъынъны чайпамагъа ёл ачаджагъым, мемлекетинъде ишлеген гуналарынъ ичюн, ибадет тёпеликлеринъни харап этеджегим.

Йирмея 4:20

Беля артындан беля келе: бутюн мемлекет бошап къалды, чадырларым апансыздан йыкъылды, перделерим бир аньде ёкъ олды.

Йирмея 4:7

Арслан ормандан еринден чыкъа, халкъларны харап этмеге келе, мемлекетинъизни бош ве бакъымсыз этмек ичюн, озь еринден чыкъа. Шеэрлеринъ йыкъыладжакъ, адамсыз къаладжакъ.

Йирмея 5:17

Олар бутюн берекетинъизни ве ашларынъызны ашайджакълар, огъулларынъызны ве къызларынъызны ольдюреджеклер, къой-эчкилеринъизни ве малынъызны ашап битиреджеклер, юзюм ве инджирлеринъизни ашап къояджакълар, сиз ишангъан къавийлештирильген шеэрлеринъизни къылычларнен йыкътыраджакълар.

Йирмея 9:11

Ерусалимни таш обасына, шакъалларнынъ ювасына чевиририм; Ехуда шеэрлерини бакъымсыз этеджегим, оларда ич кимсе яшамаз.

Йирмея 9:19

Сиондан агълав сеси эшитиле: «Бизим эр шейимиз тутып алынды, буюк масхара олдыкъ. Мемлекетимизни ташлап кетемиз, эвлеримиз йыкъылды».

Агълав йырлары 5:2

Мал-мулькюмиз – душманларымызгъа кечти, эвлеримиз ябанджыларгъа тюшти.

Ехезкель 22:31

Шунынъ ичюн Мен гъазабымны оларгъа тёкеджегим, ачувымнынъ атешинен оларны бутюнлей ёкъ этеджегим, оларнынъ япкъанларыны озь башларына авдараджагъым, – дей РАББИ-ТААЛЯ.

Ехезкель 7:19

Кумюшлерини сокъакъкъа атаджакълар, алтынлары да арам эсапланаджакъ. РАББИнинъ гъазабы куню не кумюшлери, не алтынлары оларны къуртарып оламайджакъ. Кумюшлери ве алтынлары оларгъа аш бермез, къарынларыны тойдурмаз. Байлыгъы оларны акъсызлыкъкъа алып кельди.

Ехезкель 7:21

Оны ябанджыларнынъ элине береджегим, дюньянынъ ярамазлары оны чайпап аладжакълар ве арам этеджеклер.

Ехезкель 7:24

Мен халкъларнынъ энъ ярамайларыны кетиреджегим, олар эвлеринъизни тартып аладжакълар. Кучьлюлернинъ гъуруры битеджек, ве сизинъ азиз ерлеринъиз арамланаджакъ.

Амос 5:11

Сиз фукъарелерни таптайсынъыз, олардан богъдай бергисини аласынъыз. Шунынъ ичюн паалы таш эвлер къурарсыз, лякин анда яшамазсыз, гузель юзюм багъларыны сачарсыз, лякин оларнынъ шарабыны ичмезсиз.

Микъа 3:12

Шунынъ ичюн сизлер себебинден Сион, тарла киби, сюрюледжек, Ерусалим чёплюк обасына чевириледжек, РАББИнинъ Эви тургъан дагъны орманлар басаджакъ.

Микъа 6:15

Урлукъ сачаджакъсынъ, амма берекет алмайджакъсынъ, зейтюн сыкъаджакъсынъ, амма ягъынен сюртюнмейджексинъ. Юзюм шырасыны сыкъаджакъсынъ, амма шарап ичмейджексинъ.

Цефанья 1:9

Мен о куню путларгъа ибадет эткенлерни ве эфендисининъ эвини зорбалыкъкъа ве яланларгъа толдургъан адамларны джезалайджагъым.

Къануннынъ текрары 28:30

Нишанлы оладжакъсынъ, лякин башкъа акъай нишанлынъны зорлап, онен ятаджакъ. Эв къурарсынъ, лякин ичинде яшамазсынъ. Юзюмлик сачарсынъ, лякин бир салкъымыны узьмезсинъ.

Къануннынъ текрары 28:39

Юзюмликлерни сачып ишлейджексинъ, шарабыны исе ичмейджексинъ ве салкъымларыны джыймайджакъсынъ, чюнки эписини къурт ашайджакъ.

Къануннынъ текрары 28:51

Олар, ич бир шей къалмагъандже, айванларынънынъ несилини ве топрагъынънынъ махсулыны ашайджакълар. Сени ёкъ этмегендже, олар санъа не ашлыкъ, не яш шарап, не зейтюн ягъы, не бузав, не улакъ, не къозунъны къалдырмайджакълар.