Титке 1:16 - Мукъаддес Китап

¹⁶ Олар Алланы къабул эткенлери акъкъында айталар, амма озь ишлеринен Оны ред этелер. Олар сёз динълемеген, ич бир яхшы шейге ярамагъан пис адамлардыр.

Титке 1:16 ပူးပေါင်းရင်းမြစ်များ

Эюп акъкъында китап 15:16

Сув ичкени киби, акъсызлыкъны япкъан адам о къадар бетер джиренч ве бозукътыр.

Икметли сёзлер 30:12

Ойле несиль бар ки, озюни тер-темиз саяр, лякин озь арамлыгъындан элялланмагъан.

Ешая 29:13

Рабби бойле деди: – Бу халкъ Манъа тек сёзлеринен якъын, Мени тек тиллеринен урьмет этелер. Юреклери исе Менден узакъ, инсанларнынъ буюргъанларыны тутып, Мени саялар, деп тюшюнелер.

Ешая 48:1

– Эй, Якъупнынъ эви, буны динъленъиз! Исраиль адынен адланасыз, Ехуда союндан келип чыкъасыз, РАББИнинъ Адынен ант этесиз, Исраильнинъ Алласыны чагъырасыз, лякин ишанчлыкъ ве инсафлыкътан узакъ оласыз.

Ешая 58:2

Олар эр кунь Мени къыдыралар, ёлларымны бильмеге истейлер; догъру яшагъан, Алласынынъ къарарларыны туткъан миллет киби, арекет этелер; адалетли къанунлар акъкъында сорайлар, Аллагъа якъынлашмагъа истейлер.

Ешая 59:13

РАББИге къаршы чыкътыкъ, Ондан вазгечтик, Алламыздан юзь чевирдик. Зорбалыкъ ве хаинлик акъкъында айттыкъ, ялан сёзлерини тюшюнип, сёйледик.

Йирмея 12:2

Сен оларны сачтынъ, олар тамыр атып, осьтилер ве мейва берелер. Адынъ агъызларындан тюшмей, лякин юреклери Сенден узакъ.

Йирмея 5:2

РАББИнинъ Адынен ант этселер де, ялан айтып емин этелер.

Йирмея 6:30

Оларгъа «ред этильген кумюш» дейджеклер; РАББИ оларны ред этти.

Ехезкель 33:31

Меним халкъым сюрю-сюрю санъа келе, сенинъ огюнъде отурып, сёзлеринъни динълей, амма оларны беджермей. Олар тек беден истеклери акъкъында лаф этелер, тек озь файдасы ичюн иш япалар.

Сайылар 24:16

Алланынъ сесини эшиткен адам дей. О, Юдже Алланынъ бильгисини биле, Къудретли Алланынъ руяларыны коре. О, ерге тюшеята, козьлери исе ачыкътыр.

Римлилерге 1:28

Алланы акъылда тутмагъа бир шей саймагъанлары ичюн, Алла оларны бозукъ акъыл укюмине берди, ве олар разылыкъ олмагъан ишлерни япып башладылар.

Эфеслилерге 5:6

Ич кимсе сизлерни бош сёзлернен алдатмасын; бу шейлер ичюн сёз динълемегенлернинъ башына Алланынъ гъазабы келеджек.

1 Тимотейге 1:9

Белли олсун ки, Къанун инсафлы адамлар ичюн дегиль, бойле адамлар ичюн берильди: къанунсыз яшагъанлар ве Къанунгъа бойсунмагъанлар, имансызлар ве гунакярлар, яманлар ве динсизлер, ана я да бабасыны ольдюргенлер, къатиллер,

1 Тимотейге 5:8

Ким исе озь сой-сопларыны, хусусан къоранта азаларыны бакъмаса, о, имандан вазгечкен, имансыздан да бетердир.

2 Тимотейге 3:17

ве бойлеликнен, Алланынъ адамына эр шейни япмагъа къабилиетини бере, оны эр бир яхшы ишке азырлай.

Титке 3:1

Сен Крит иманлыларынынъ акъылына кетир, олар башлыкъларгъа ве акимиетлерге бойсунсынлар ве оларны динълесинлер, эр бир хайырлы ишке азыр олсунлар,

Титке 3:3

Бир вакъытта бизлер акъылсыз, сёз динълемеген, ёлдан урулгъан адамлар эдик. Чокъ тюрлю яман истек ве зевкъларгъа къул олып, яманлыкънен ве пахыллыкънен яшай эдик, пис олып, бир-биримизни кореджек козюмиз ёкъ эди.

1 Юхан 2:4

«Мен Оны билем», – деген, лякин Онынъ эмирлерини беджермеген адам яланджыдыр, ве онда акъикъат ёкъ.

Иуда 1:4

Базы алласыз адамлар сизинъ аранъызгъа гизлиден сокъулып киргенлер. (Оларнынъ джезасы чокътан берли язылгъан эди.) Олар Алламызнынъ эйилигини бозукъ яшамагъа имкянына денъиштирелер ве Иса Месихни, бирден-бир Эфендини ве Раббимизни ред этелер.

Сырларнынъ ачылувы 21:27

Лякин ич бир арам шей, пис ишлер япкъан я да ялан айткъан ич бир адам онъа кирмейджек, тек Къозунынъ яшайыш китабында язылгъанлар анда киреджек.

Сырларнынъ ачылувы 21:8

Амма къоркъакъ, имансыз, игренч, адамларны ольдюрген, ороспу, джады, путперест ве бутюн яланджыларнынъ къысмети – атеш ве кукюрт янгъан гольдедир. Бу, экинджи олюмдир.

1 Падишалар 15:22

Смаил Шаулгъа: – РАББИ ичюн, бутюнлей якъылгъан айванлар ве бахшышлар Оны динълемектен хайырлымы? Динълемек – къурбандан яхшы, эмирге бойсунмакъ – къочкъарнынъ ягъындан яхшыдыр, – деди.

1 Падишалар 15:24

Шаул Смаилге: – Мен гуна яптым. РАББИнинъ эмирини беджермедим, сенинъ сёзюнъни де тутмадым. Лякин мен халкътан къоркътым, оны динъледим.