Сырларнынъ ачылувы 9:7 - Мукъаддес Китап

⁷ Сарынчкъаларнынъ корюниши дженкке азырлангъан атларгъа ошай эди. Оларнынъ башында алтын таджкъа ошагъан башлыкълар бар, юзьлери адам юзьлерине ошай эди.

Сырларнынъ ачылувы 9:7 ပူးပေါင်းရင်းမြစ်များ

Даниял 7:4

Биринджи айван арслангъа ошай эди, лякин къартал къанатлары бар эди. Мен бакъып тургъанда, онынъ къанатлары оськен ерлеринден чекип чыкъарылды, о, ерден котерильди ве адам киби аякъкъа къоюлды. Онъа бир адам юреги де берильди.

Даниял 7:8

Мен бу бойнузларгъа бакъкъанда, оларнынъ арасындан даа кучюк бир башкъа бойнуз чыкъты, ве онынъ огюнде учь эвельки бойнуз тамырынен чыкъарылгъан эди. Кучюк бойнузнынъ адамнынъ киби козьлери ве къопай лаф эткен бир агъзы бар эди.

Нахум 3:17

Къаравулларынъ – чегертки киби чокъ, орду башлыкъларынъ да – сарынчкъа сюрюси кибидир. Сувукъ олгъанда, олар ташлар арасында аралыкъларда сакъланалар, кунеш чыкъкъанда исе, учып кетелер, ве къайда олгъанларыны бильмезсинъ де.

Сырларнынъ ачылувы 6:2

Мен бакъсам, бир беяз атны, устюнде яйы олгъан атлыны корьдим. Онъа бир тадж берильген. О, енъиджи олып, душманларны енъмеге чыкъты.

Сырларнынъ ачылувы 9:3

Тютюнден сарынчкъа чыкъты ве ер юзюне даркъалды. Оларгъа ер юзюндеки чаянларнынъ кучюне ошагъан бир кучь берильген эди.