Сырларнынъ ачылувы 9:3 - Мукъаддес Китап

³ Тютюнден сарынчкъа чыкъты ве ер юзюне даркъалды. Оларгъа ер юзюндеки чаянларнынъ кучюне ошагъан бир кучь берильген эди.

Сырларнынъ ачылувы 9:3 ပူးပေါင်းရင်းမြစ်များ

3 Падишалар 12:11

Меним бабам сизге буюк агъырлыкъ юклеген, мен исе бу агъырлыкъны даа да зияделештиреджегим. Меним бабам сизни къамчыларнен джезалагъан, мен исе сизни чаянларнен джезалайджагъым», – дедилер.

2 Тарих вакъиалары 10:11

Меним бабам сизге буюк агъырлыкъ юклеген, мен исе бу агъырлыкъны даа да зияделештиреджегим. Меним бабам сизни къамчыларнен джезалагъан, мен исе сизни чаянларнен джезалайджагъым».

2 Тарих вакъиалары 10:14

– Меним бабам сизге буюк агъырлыкъ юклеген, мен исе бу агъырлыкъны даа да зияделештиреджегим. Меним бабам сизни къамчыларнен джезалагъан, мен исе сизни чаянларнен джезалайджагъым.

Ешая 33:4

Тыртырлар киби, адамлар гъаниметни джыялар, онъа, сарынчкъа дайын, атылалар.

Ехезкель 2:6

Сен исе, инсан огълу, олардан къоркъма, оларнынъ сёзлеринден де къоркъма. Олар сенинъ чевре-четинъде тикенлер ве когем чалылары киби олса да, сен чаянлар арасында яшасанъ да, оларнынъ айтаджакъларындан къоркъма ве къоркъунчлы юзьлеринден дешетленме. Олар исьянджы халкътыр.

Ёэль 1:4

Тыртырлардан къалгъаныны сарынчкъалар ашады, сарынчкъалардан къалгъаныны чегерткилер ашады, чегерткилерден къалгъаныны къонъузлар ашап битирди.

Ёэль 2:25

Берекетинъизни тыртыр, сарынчкъа, чегертки ве къонъузлар ашагъан йыллары ичюн, сизге къаршы ёллагъан буюк ордум ичюн акъкъынъызны къайтарырым.

Нахум 3:15

Сени анда атеш ашап битиреджек, къылыч сени кеседжек. Озюнъ тыртыр я да сарынчкъа киби чокъ олсанъ да, атеш тыртырларгъа ошап, сени ашайджакъ.

Нахум 3:17

Къаравулларынъ – чегертки киби чокъ, орду башлыкъларынъ да – сарынчкъа сюрюси кибидир. Сувукъ олгъанда, олар ташлар арасында аралыкъларда сакъланалар, кунеш чыкъкъанда исе, учып кетелер, ве къайда олгъанларыны бильмезсинъ де.

Лука 10:19

Мына, Мен сизге йыланлар ве акъреплер устюне басмагъа ве душманнынъ бутюн кучю устюнден укюмни бердим. Ич бир шей сизге зарар эталмай.

Къануннынъ текрары 8:15

зеэрли йыланларынен, чаянларынен ве сувсуз, къуру ерлеринен толу буюк ве къоркъунчлы сахрадан алып кетирген, чакъмакъташ къаясындан сизге сув чыкъаргъан,

Сырларнынъ ачылувы 9:5

Сарынчкъаларгъа адамларны ольдюрмеге дегиль, тек оларгъа беш ай къадар чекиштирмеге разылыкъ берильди. Олар берген азап чаян адамны тишлегенде чеккен азабы киби эди.

Сырларнынъ ачылувы 9:7

Сарынчкъаларнынъ корюниши дженкке азырлангъан атларгъа ошай эди. Оларнынъ башында алтын таджкъа ошагъан башлыкълар бар, юзьлери адам юзьлерине ошай эди.

Къадылар 7:12

Мидьянлылар, амалеклилер ве шаркъий къабилелер вадийде ерлешкен эдилер. Оларнынъ сайысы сарынчкъа киби чокъ эди. Оларнынъ денъиз къуму киби сайысыз деве сюрюлери бар эди.