Сырларнынъ ачылувы 9:13 - Мукъаддес Китап

¹³ Алтынджы мелек боразан чалды. Алланынъ огюндеки алтын къурбан ерининъ дёрт бойнузы тарафындан бир сес эшиттим.

Сырларнынъ ачылувы 9:13 ပူးပေါင်းရင်းမြစ်များ

Чыкъыш 30:10

Йылда бир кере Харун гуна багъышлав къурбаныны чалып, къанны отларны якъмакъ ерининъ бойнузларына сюртип, оны айырып азиз этсин. Бу – несильден несильге эр йыл оладжакъ арынувдыр. Бу ер – РАББИнинъ улу азизлигидир.

Еудийлерге 10:21

Иса – бизим буюк руханийимиздир. О, Алланынъ Эвине башлыкъ япа.

Еудийлерге 9:24

Адам къолунен япылгъан Азиз Ер акъикъий Азиз Ернинъ копиясы эди. Лякин Месих ердеки Азизликке кирмеди, О, коклерге кирди ве шимди бизлер ичюн Алланынъ огюне котерильди.

Сырларнынъ ачылувы 8:2

Мен Алланынъ огюнде тургъан еди мелекни корьдим. Оларгъа еди боразан берильген.

Сырларнынъ ачылувы 9:1

Бешинджи мелек боразан чалды. Коктен ерге тюшкен бир йылдызны корьдим. Онъа тюпсюзлик къуюсынынъ анахтары берильген эди.