Сырларнынъ ачылувы 9:11 - Мукъаддес Китап

¹¹ Тюпсюзликнинъ мелеги оларгъа падишалыкъ япа. Бу мелекнинъ ады еудийдже Аваддон, юнанджа Аполлион демектир.

Сырларнынъ ачылувы 9:11 ပူးပေါင်းရင်းမြစ်များ

Эюп акъкъында китап 26:6

Алланынъ огюнде олюлернинъ дюньясы ачыкътыр, ве эляк дияры ич бир шей къапатмаз.

Эюп акъкъында китап 28:22

Эляк диярынен Олюм: «Онынъ акъкъында тек къулакъларымызнен эшиттик», – дейлер.

Эюп акъкъында китап 31:12

Эляк диярына тюшюреджек атеш киби, ойле япкъаным бутюн барлыгъымны ёкъ этер эди.

Зебур 88:11

Сен Рахавны тар-мар этип, олюм алына кетирдинъ, кучьлю къолунънен душманларынъны дагъыттынъ.

Икметли сёзлер 15:11

О бир дюнья ве эляк дияры – РАББИнинъ огюнде ачыкъ, адамнынъ юреги Онынъ ичюн сыр олурмы?

Лука 8:31

Джинлер, оларны буюк теренликке ёлламасын деп, Исагъа ялвардылар.

Юхан 12:31

Шимди бу дюнья суд этиледжек, шимди бу дюньянынъ башлыгъы тышарыгъа чыкъарылып къувуладжакъ.

Юхан 14:30

Сизнен лаф этмек ичюн чокъ вакътым къалмады. Бу дюньянынъ башлыгъы келеята. Онынъ пайы Менде ёкъ.

Юхан 16:11

Суд акъкъында, чюнки бу дюньянынъ башлыгъы суд этильгендир.

Юхан 5:2

Ерусалимнинъ Къойлар Къапусы янында еудийдже Бетзата деген беш софалы бир хавуз бар эди.

Юхан 8:44

Сизинъ бабанъыз – Шейтандыр. Сиз озь бабанъызнынъ бутюн истеклерини беджермеге истейсиз. Шейтан башындан адам ольдюриджиси эди. О, акъикъатта яшамай, чюнки онда акъикъат ёкъ. Ялан айткъанда, озюне ярашкъан шей айта. О, яланджыдыр, яланнынъ бабасыдыр.

2 Коринтлилерге 4:4

чюнки имансызларнынъ акъылларындан Хаберни анъламагъа къабилиетини бу дюньянынъ алласы хырсызлады, ве олар Месихнинъ шурети акъкъында Къуванчлы Хабернинъ ярыгъыны корип оламайлар. Месих исе – Алланынъ къыяфетидир,

Эфеслилерге 2:2

бир вакъытлары, бутюн бу дюнья киби, коклер тюбюндеки падишалыкъ башлыгъынынъ эмиринен, итаатсыз адамларда чалышкъан рухнынъ истегенинен яшай эдинъиз.

1 Юхан 4:4

Балалар, сиз Алладансыз ве оларны енъдинъиз. Ичинъизде олгъан дюньяда олгъандан буюктир.

1 Юхан 5:19

Биз Алладан олгъанымызны билемиз, бутюн дюнья исе яманнынъ укюминдедир.

Сырларнынъ ачылувы 12:9

Буюк аждерха, Иблис ве Шейтан адыны ташыгъан, бутюн дюньяны алдатып ёлдан ургъан къадимий йылан ер юзюне ташланды. Ер юзюне онынъ мелеклери де ташландылар.

Сырларнынъ ачылувы 16:16

Рухлар падишаларны еудий тилинде Армагедон деген ерге топладылар.