Сырларнынъ ачылувы 8:3 - Мукъаддес Китап

³ Башкъа бир мелек келип, къурбан ерининъ алдында турды. Онынъ къолунда къокъулы отлар ичюн алтын бир чанакъ бар эди. Онъа чокъ къокъулы отлар берильди, ве о, оларны бутюн азизлернинъ дуваларынен бирликте тахтнынъ огюндеки алтын къурбан еринде якъты.

Сырларнынъ ачылувы 8:3 ပူးပေါင်းရင်းမြစ်များ

3 Падишалар 7:50

темиз алтындан япылгъан легенчиклер, макъасчыкълар, легенлер, чанакълар ве комюр табакълары. Сарайнынъ Энъ Мукъаддес Ери къапуларынынъ ильгичлери ве Буюк Одасы къапуларынынъ ильгичлери де алтындан ясалгъан эди.

Зебур 141:2

Онынъ огюне къасеветлеримни тёктим, къайгъыларымны Онъа ачып бердим.

Чыкъыш 40:26

Корюшюв Чадырында, перденинъ огюнден, алтындан япылгъан ерни къойып,

Ешая 6:6

О заман Серафлардан бири, къурбан еринден машачыкънен бир къорны алып, яныма учып кельди.

Ехезкель 41:22

о, агъачтан ясалгъан къурбан ерине ошай эди. Онынъ юксеклиги – бир бучукъ метр, узунлыгъы ве кенълиги – бир метр эди. Онынъ кошелери, темели ве янлары да агъачтан эди. Адам манъа: «Бу – РАББИнинъ огюнде тургъан столдыр», – деди.

Амос 9:1

Мен Раббининъ къурбан ери янында тургъаныны корьдим. О, бойле деди: – Колонналарнынъ башларына ур, къапу башы сарсылсын, тёпеси адамларнынъ башына тюшсюн. Сагъ къалгъанларны исе Мен къылычнен ольдюреджегим. Оларнынъ кимсеси къачып оламайджакъ, къуртулмагъа истегенлери де къуртулмайджакъ.

Малакий 1:11

Кунь догъгъан тарафындан кунь баткъан тарафынадже Меним Адым халкълар арасында буюк оладжакъ! Эр ерде Меним Адыма къокъулы отларны якъаджакълар, элял бахшышларны кетиреджеклер. Халкълар арасында Меним Адым азиз оладжакъ! – дей Ордуларнынъ РАББИси.

Сайылар 4:11

Алтын къурбан ерининъ устюне мор юньден япылгъан безни тёшесинлер, устюни индже ишленген терилер орьтюсинен къапатсынлар, сырыкъларыны ерине кечирсинлер.

Сайылар 7:62

къокъулы отлардан япылгъан якъыладжакъ ягъгъа толу олгъан 100 грамм агъырлыгъында бир алтын пиала;

Лука 1:10

Бутюн халкъ исе, къокъулы отларны якъкъан вакъытта тышарыда турып дува окъуй эди.

Римлилерге 8:34

Оларны ич кимсе де джезагъа укюм этип олмаз, чюнки бизни ольген, лякин тирильген ве Алланынъ онъ тарафында булунгъан Иса Месих къорчалай.

Еудийлерге 7:25

Шунынъ ичюн адамлар Исанынъ ярдымынен Аллагъа якъынлашкъанда, Иса оларны къуртара биле, чюнки О, эр вакъыт яшай ве Алланынъ огюнде оларнынъ тарафыны тутып, оларны къорчалай.

Еудийлерге 9:4

Бу ерде къокъулы отлар якъыладжакъ алтын ер, эм де эр тарафы алтыннен къаплангъан Васиет Сандыгъы бар эди. Онынъ ичинде манна къоюлгъан алтын чанакъ, Харуннынъ чечек ачкъан таягъы ве Васиет сёзлеринен таш левалары бар эди.

Сырларнынъ ачылувы 10:1

Сонъ мен коктен тюшеяткъан, булуткъа сарылгъан башкъа кучьлю бир мелекни корьдим. Онынъ башы устюнде кок къушагъы бар эди. Бети, кунеш киби, йылтырай, аякълары, атеш колонналары киби, эди.

Сырларнынъ ачылувы 14:18

Атешке буюрып олгъан даа башкъа бир мелек къурбан еринден чыкъып кельди. О, кескин пычакълы мелекке кучьлю сеснен къычырып, бойле деди: – Ерде юзюмлер пишти. Кескин пычагъынъны чалыштыр, ердеки юзюм салкъымларыны кесип ал.

Сырларнынъ ачылувы 5:8

О, бурулгъан кягъытны алгъанда, дёрт айван ве йигирми дёрт акъсакъал Къозунынъ алдына ерге йыкъылдылар. Эр бирининъ къолунда арфа ве алтын чанакълар бар эди. Чанакълар къокъулы миске, азизлернинъ дуваларына толу эди.

Сырларнынъ ачылувы 6:9

Къозу бешинджи печатны бозгъанда, къурбан ерининъ тюбюнде мен адамларнынъ джанларыны корьдим. Олар Алланынъ Сёзюни ве Онынъ акъкъында хаберни даркъаткъанлары ичюн ольдюрильген эди.

Сырларнынъ ачылувы 7:2

Сонъ мен башкъа бир мелекни корьдим. О, куньдогъуш тарафтан чыкъаята, онынъ къолунда Тири Алланынъ тамгъа алети бар эди. Ерге ве денъизге зарар кетирмек ичюн къудрет алгъан дёрт мелекке о, кучьлю сеснен багъырды:

Сырларнынъ ачылувы 8:4

Янгъан къокъулы отларнынъ тютюни ве азизлернинъ дувалары мелекнинъ къолундан Алланынъ алдына котерильди.

Сырларнынъ ачылувы 8:5

Мелек алтын чанакъны алып, оны къурбан ериндеки атешнен толдурды ве ер юзюне атты. О вакъыт кок гудюрдиси сеслери янъгъырап, яшын яшнады ве зельзеле башланды.

Сырларнынъ ачылувы 9:13

Алтынджы мелек боразан чалды. Алланынъ огюндеки алтын къурбан ерининъ дёрт бойнузы тарафындан бир сес эшиттим.