Сырларнынъ ачылувы 8:1 - Мукъаддес Китап

¹ Къозу единджи печатны бозгъанда, кок ярым саат къадар тынчланды.

Сырларнынъ ачылувы 8:1 ပူးပေါင်းရင်းမြစ်များ

Эюп акъкъында китап 4:16

Кимдир турды, амма не олгъаныны анъламадым, козюм огюнде анълашылмагъан бир шей тура эди. Тынчлыкъ ерни къаплады. Сонъ сесни эшиттим:

Зебур 37:7

Белим букюлип, чёкип къалдым, кунь бою гъам ичип юрем.

Зебур 62:1

Давутнынъ зебуры. Давут Ехуда сахрасында олгъан вакъытта язылгъан йыр.

Хавакъкъукъ 2:20

РАББИ исе Озюнинъ Мукъаддес Сарайында. Онынъ огюнде бутюн дюнья тынч олсун!

Зекерья 2:13

Эй, эр тири джан, РАББИнинъ огюнде сесинъизни чыкъарманъыз! О, Озь азиз мескенинден чыкъып келе!

Матта 27:66

Олар барып, къабир ташына муурь бастылар ве къабирни къорумагъа къаравулларны къойдылар.

Сырларнынъ ачылувы 5:1

Тахтта Отургъаннынъ онъ къолунда ичи де, тышы да язылгъан, еди печатнен басылгъан бир бурулгъан кягъытны корьдим.

Сырларнынъ ачылувы 5:9

Олар янъы бир йыр йырлай башладылар: – Сен бурулгъан кягъытны алмагъа, онынъ печатларыны бозмагъа ляйыкъсынъ! Чюнки Сен къурбан оларакъ союлдынъ, ве Озь къанынъны тёкип, эр бир къабиледен, эр бир тильде лаф эткен миллеттен ве халкътан адамлар ичюн буюк фият тёлединъ ве оларны Аллагъа багъышладынъ.

Сырларнынъ ачылувы 6:1

Сонъ мен Къозу еди печаттан бирини бозгъаныны корьдим. О вакъытта дёрт айвандан бири кок гудюрдисине ошагъан сеснен: – Кель мында! – дегенини эшиттим.

Сырларнынъ ачылувы 6:12

Къозу алтынджы печатны бозгъанда, бакъсам, буюк зельзеле олды. Кунеш къара гедже киби къарарды, ай исе бутюнлей къан тюсте олды.

Сырларнынъ ачылувы 6:3

Къозу экинджи печатны бозгъанда, экинджи айван: – Кель мында! – дегенини эшиттим.

Сырларнынъ ачылувы 6:5

Къозу учюнджи печатны бозгъанда, учюнджи айван: – Кель мында! – дегенини эшиттим. Бакъсам, къара бир ат келеяткъаныны корьдим. Онынъ устюндеки атлынынъ къолунда теразе бар эди.

Сырларнынъ ачылувы 6:7

Къозу дёртюнджи печатны бозгъанда, дёртюнджи айваннынъ: – Кель мында! – деген сесини эшиттим.

Сырларнынъ ачылувы 6:9

Къозу бешинджи печатны бозгъанда, къурбан ерининъ тюбюнде мен адамларнынъ джанларыны корьдим. Олар Алланынъ Сёзюни ве Онынъ акъкъында хаберни даркъаткъанлары ичюн ольдюрильген эди.